ՀՀԿ-ականը պատռել է իր անդամատոմսը (ֆոտո)

ՀՀԿ-ականը պատռել է իր անդամատոմսը (ֆոտո)
Քիչ առաջ մեր ընթերցողներից մեկը մեզ է ուղարկել այս լուսանկարը՝ կից գրությամբ. «Սերժ Սարգսյանի՝ այսօր տեղի ունեցած ելույթից հետո, երբ նա հիշեցրեց Մարտի 1-ն ու սպառնաց դրա կրկնությամբ, երբ վերջնականապես ապացուցեց, որ ինքը ի վիճակի չէ այլեւս լինել երկրի ղեկավար, որ իր պաշտոնավարման ամեն մի օրը ոստիկանությունն ու անձամբ Վովա Գասպարյանն է երաշխավորում, այլեւս անիմաստ է լինել մի կուսակցության անդամ, որի ղեկավարը թքած ունի թե՛ ժողովրդի, թե՛ նրա արդար ցասման վրա ու պատրաստ կրակել….նորից կրակել…:



Արյամբ եկածը արյունով է պահում իր իշխանությունը եւ արյունով էլ հանձնելու է այն, բայց ոչ թե ժողովրդին, այլ՝ իր հաջորդին»:



Հիշեցնենք, որ նախօրեին հանրահավաքի ժամանակ «ՄերժիրՍերժին» շարժման առաջնորդները կոչ արեցին ժողովրդին հանձնել Հանրապետականի տոմսերը։ Դրա համար աղբարկղ է դրվելու հրապարակում, մարդիկ կարող են բերել եւ այնտեղ նետել տոմսերը։ Հավանաբար, սա առաջին ծաղիկներից է։



![](https://scontent.fevn1-2.fna.fbcdn.net/v/t1.15752-9/31172074_2087295218201898_5736710829978419200_n.jpg?_nc_cat=0&_nc_eui2=v1%3AAeEHHYhyXW9Bd1kENUudSLPPdY7r2lLPmOPJxuNhKoqfdMjNi9Cy9WH4Myza61UMlNM2foEuSYLwrqw_62QzJ9SncjQfeT3OfCJfaIJxdF_erw&oh=95c56a68162e9e8429efbbbb05e67c90&oe=5B5C3DC5)