Գյումրեցիները շարժվեցին մայրաքաղաք՝ «Գյումրի, արի Երևան» կարգախոսով

Ավտոերթ կազմակերպելուց հետո գյումրեցի ցուցարարները հավաքվեցին թատերական հրապարակում, որտեղ նախաձեռնության անդամները ելույթից հետո կոչ արեցին հավաքվածներին պատրաստվել, տաք հագուստ եւ անհրաժեշտ պարագաներ վերցնել Երևան հասնելու համար՝ միանալու համընդհանուր պայքարին:



Նրանք, ովքեր ավտոմեքենաներով չէին, ուղևորվեցին կայարան՝ Գյումրի-Երևան տոմս ձեռք բերելու: Ակտիվիստ Կարեն Պետրոսյանն էլ իր խոսքում ասաց. «Քանի որ հիմա մայրաքաղաքում են իրադարձությունները ծավալվում, որովհետև էնտեղ է մերժվելու ԱԺ հերթական նիստը, որի ժամանակ տեղի է ունենալու հերթական ընտրությունը, էստեղ մեծ հաշվով մենք օրակարգ չունենք: Բոլոր իրադարձությունները ծավալվում են ԱԺ-ի մոտ, մենք շարժվում ենք այնտեղ: Մեզ համար սկզբունքային է, որ հայ տղամարդու կերպարն այնպիսին է, որ ինչ ասել է՝ արել է: Մենք շատ բան չենք ուզում, ընդամենն ուզում ենք, որ էդ տեսակը չփչանա: Մեր խոսքը գործ է: Մենք հետամուտ ենք լինելու, որ մեր խոսքը պահվի, նախագահը խոսք է ասել, պիտի իր խոսքը պահվի, սա պատվի հարց է,-նշեց ակտիվիստը։