Իսպանիայում ափ է նետվել հսկայական կաշալոտ տեսակի ձուկ` ստամքոսում 29 կգ պլաստիկե իրեր

Գիտնականները ալիքի կողմից Իսպանիայի ափ նետված սատկած կաշալոտ ձկան ստամուքսում հայտնաբերել են 29 կգ պլաստիկատ: Այս մասին տեղեկանում ենք Մուրսիայի ազգային պարկի թվիթերյան էջում կատարված գրառումից: Վայրի բնության վերականգնման Էլ-Վալլեի կենտրոնի գիտաշխատողները սատկած ձկանը դիահերձելիս հայտնաբերել են պլաստմասսայե պարկեր, տարաներ, ցանցի եւ պարանի մնացորդներ ձկան ստամոքսի մեջ: Գիտնականների եզրակացությունը եղել է այն, որ կենդանին սատկել է, քանի որ չի կարողացել ազատվել այդ պլաստիկե իրերից:



Այս դեպքից հետո Հարավային Իսպանիայի Մուրսիա քաղաքի իշխանությունները բնակչության շրջանում հանրային իրազեկման կամպանիա են սկսել միանգամյա օգտագործման պլաստիկե իրերի վտանգավորության մասին, իսկ Մուրսիայի ազգային պարկում էլ հավատացնում են,որ պլաստիկե իրերը, որոնք գտնվում են ծովերում եւ օվկիանոսներում, հանդիսանում են վայրի բնության ամենամեծ սպառնալիքներից մեկը: Հաշվարկված է, որ միայն Կալիֆորնիայի եւ Հավայան կղզիների միջեւ օվկիանոսում կա 79 հազար տոննա պլաստիկա մեւ այս տեմպերով եթե շարժվենք, ապա 2050 թվականին օվկիանոսում ավելի շատ պլաստիկա կլինի, քան ձուկ: