Անհրաժեշտ է մեզանով, քաղաքացիներով շրջափակել Ազգային ժողովի շենքը․ Փաշինյան

Անհրաժեշտ է մեզանով, քաղաքացիներով շրջափակել Ազգային ժողովի շենքը․ Փաշինյան
Նիկոլ Փաշինյանը և մի շարք ՔՊ-ականներ շարունակում են «Իմ քայլը» արշավը։ Այսօր ավարտվում է քայլերթի 5-րդ օրը, և ՔՊ-ականները Վանաձորից օրվա ընթացքում շարժվել են դեպի Թեժ լեռ կոչվող տարածք, ճամբար խփել մոտակայքում։ Փաշինյանը ֆեյսբուքյան էջի միջոցով տեղեկացրեց քիչ առաջ, որ այսօր, ի տարբերություն երեկվա, ավելի քիչ են քայլել․ մոտ 12կմ։



Այնուհետև ԱԺ պատգամավորը նշեց, որ քայլերթը մեծացնում է իրենց վճռականությունը և հույս հայտնեց, որ ապրիլի 13-ի հանրահավաքին կտեսնեն տասնյակ, հարյուրհազարավոր քաղաքացիների․ «Ուզում եմ անել մի կարևոր շեշտադրում։ Մենք հույս ունենք, որ Հայաստանի քաղաքացիները իրենց քայլը կանեն, և դա կբերի փոփոխությունների Հայաստանում։ Եվ մենք հույս ունենք Ազատության հրապարակում ապրիլի 13-ին՝ ժամը 18։30-ին հանրահավաքում տեսնել 10-յակ հազարավոր քաղաքացիների, 100 հազարավոր քաղաքացիների, և մենք շատ հստակ ենք պատկերացնում՝ ինչպես ենք այդ քաղաքացիների կամարտահայտությունը վերածելու կոնկրետ քաղաքական արդյունքի»։



Փաշինյանը նաև խոսեց, թե որքան մարդ է հարկավոր քաղաքական այս պրոցեսը բարեհաջող ավարտելու համար․ «Մենք պատկերացնում ենք, որ քաղաքական պրոցեսը բարեհաջող ավարտելու համար անհրաժեշտ է այնքան մարդ, որ մենք կարողանանք մարդկանցով, մեզանով , քաղաքացիներով շրջափակել Ազգային ժողովի շենքը, մեծամասնությանը ցույց տալ ժողովրդի կամքը։ Այս կոնտեքստում ես հիմա ավելի այլ քաղաքական մեկնաբանություն չեմ ուզում անել»։



Հիշեցնենք, որ Նիկոլ Փաշինյանը իր թիմի հետ որոշել է պայքարել ՀՀԿ-ի եւ Սերժ Սարգսյանի վարչապետության դեմ, նրանք 14 օր երթեր են անցկացնելու Հայաստանի մի շարք քաղաքներում եւ ապրիլի 13-ից 14-ը շուրջօրյա հանրահավաքներ՝ Երեւանում։ Նշենք նաեւ, որ «Ելք» դաշինքից «Լուսավոր Հայաստան» եւ «Հանրապետություն» կուսակցությունները չեն միացել ՔՊ-ի փողոցային պայքարին։



Ի դեպ, մինչեւ Երեւան հասնելը արշավականները պետք է կատարեն 300 հազար քայլ:



![](https://scontent.fevn1-1.fna.fbcdn.net/v/t34.0-12/29939367_2078426632422090_382059931_n.jpg?_nc_cat=0&_nc_eui2=v1%3AAeFqFULVRL6ikkjECaoePn9eYsCzf1i0YZasUHvN5owzekmUyb874YwrJdws7URja7HxrbFGtQ9-FiuFl2lYjQ7zb3nzW75PEATSKUS9hlchOg&oh=1fd663473427d68288cfd82df7fd92fe&oe=5AC6FBC6)



![](https://scontent.fevn1-1.fna.fbcdn.net/v/t34.0-12/30020275_2078429925755094_1476189996_n.jpg?_nc_cat=0&_nc_eui2=v1%3AAeFZVkr5-8eVw9mDwGjk9sgVs-1PPLywOqJH3hxYAsrDOynRZaul0lpo1vW0t3xMVHVnwrV9oLDFaycr4JPquPuyGDuw9VNHp9gRlMVRN84zvQ&oh=f5830c3003957967c2331cde505540f9&oe=5AC6D4DA)



![](https://scontent.fevn1-1.fna.fbcdn.net/v/t34.0-12/30118945_2078429065755180_1469973881_n.jpg?_nc_cat=0&_nc_eui2=v1%3AAeGqoUoIUXp24y1e3wjvLjX4fC6n6YzbyjgdUz86_i8QNRGPlI_ECzSHGzly7g-x-2bFwcneGHXEtTbZl_4K16wTr-7doRRdbDi0sz9g3UiVsw&oh=06db7686705e7e913cc140442f6ab70b&oe=5AC715B9)