«Հրապարակ»․ Մոտոցիկլետներ, կորտեժ․ Արմեն Սարգսյանին հանդիսավորությամբ կվերցնեն իր հայրական տնից

Այս օրերին իշխանությունը պատրաստվում է Արմեն Սարգսյանի ինաուգուրացիային, որը կընթանա ապրիլի 9-ին,  ավանդական կարգով` մոտոցիկլետներ, կորտեժ, շչակներ:  Արմեն Սարգսյանին հանդիսավորությամբ կվերցնեն իր հայրական տնից` Դեմիրճյան հասցեից:



Մինչ այդ` նույն հանդիսավորությամբ ՄՀՀ կտարվեն պետական եւ հոգեւոր խորհրդանիշները․ Մատենադարանից Վեհամոր` 7-րդ դարի Ավետարանը, ՍԴ-ից` Սահմանադրության մայր օրինակը, նախագահականից` պետական դրոշը եւ նախագահական նշանը: Արարողակարգն սկսվելու է ժամը 12-ին։



Արմեն Սարգսյանը միայնակ կմտնի դահլիճ, աջ ձեռքը կդնի Ավետարանի ու Սահմանադրության վրա, կերդվի: Ապա կստանա Վեհափառի օրհնությունը, եւ ողջույնի խոսք կասի Սերժ Սարգսյանը: Դրանից հետո Արմեն Սարգսյանը կտեղափոխվի Մաշտոցի իր նստավայրը` հիանալու հարեւանությամբ գտնվող Մատենադարանով: