Ձերբակալություններ են սկսվել Կեմերովոյի ողբերգությունից հետո

Ձերբակալություններ են սկսվել Կեմերովոյի ողբերգությունից հետո
Կեմերովոյի Զավոդսկոյ շրջանի դատարանը կալանավորման որոշում է կայացրել Зимняя вишня առեւտրի կենտրոնի հակահրդեհային ազդանշանային համակարգի պատասխանատու Ալեքսանդր Նիկիտինի հանդեպ: Այս մասին հայտնում է РИА Новости լրատվական գործակալությունը: Նշենք, որ Նիկիտինը կալանքի տակ կմնա մինչեւ ընթացիկ տարվա մայիսի 25-ը:



Ավելի վաղ դատարանը կալանավորման սանկցիա էր տվել Зимняя вишня առեւտրի կենտրոնի հրդեհի միջադեպի առնչությամբ հարուցված քրեական գործով անցնող միշարք անձանց հանդեպ` այդ թվում առեւտրի կենտրոնի անվտանգության համակարգը մշակող ընկերության ղեկավար Իգոր Պոլոզինենկոյի, առեւտրի կենտրոնի սեփականատեր հանդիսացող ընկերության տեխնիկական մասի տնօրեն Գեորգի Սոբոլեւի, անվտանգության աշխատակից Նիկոլայ Անտյուշինի եւ կառավարիչ Նադեժդա Սուդենոկի հանդեպ:



Հիշեցնենք, որ կիրակի օրը նշված առեւտրի կենտրոնում տեղի ունեցած ողբերգական հրդեհը, ըստ պաշտոնական տվյալների, վաթսունչորս մարդու կյանք է խլել, որից քառասունմեկը` երեխա: