Երվանդ Քոչար 16 հասցեում ծառեր են հատվել, շինարարություն սկսել. ահազանգ
Այսօր Երվանդ Քոչար 17 շենքի բնակիչներն իրենց բողոքի ձայնն էին բարձրացնում: Բնակիչների խոսքով` 2020 թվականին շենքի հարակից տարածքը վաճառվել է ինչ-որ մի անհայտ անձի, որն իր հերթին որոշել է տարածքում շինարարական աշխատանքներ սկսկել, ինչի արդյունքում հատվել են բակի ծառերը: Երվանդ Քոչար 17 շենքի բնակիչ Ալլա Հովհաննիսյանը «Հրապարակին» պատմեց, որ տարածքը վաճառվել է 2020 թվականին` այս իշխանությունների թեթև ձեռքով:
Բնակչի պնդմամբ` տարածքը, որտեղ շինարարական աշխատանքներ են սկսել, ամբողջությամբ փակում է իրենց շենքի ճանապարհն ու լուսավորությունը. «Դիմել եմ քաղաքապետարան, դիմել եմ իշխանական մարմիններին, դիմել եմ «Հայկական ժամանակի» խմբագրություն, «Ազատություն» ռադիոկայան, սակայն ոչ մի արձագանք, հատվել են շենքի ծառերը»,- ասում է Ալլա Հովհաննիսյանը:
Շենքի մյուս բնակիչներից էլ մեզ ցույց տվեցին շինթույլտվության պատճենը, որտեղ նշված էր, որ տարածքը պատկանում է ոմն Աստղիկ Սարգսյանին: Այսպիսով նախկին իշխանություններին քաղաքը մաս-մաս վաճառելու մեջ մեղադրող նախկին ըննդիմադիր պատգամավոր Նիկոլ Փաշինյանն այսօր փաստացի անում է այն, ինչի համար քննադատում էր նախկին իշխանություններին:
Մանրամասն՝ տեսանյութում
Կարծիքներ