Սահակաշվիլու կողմնակիցների հետ բախումներում 13 ոստիկան է տուժել

Ուկրաինայի Գերագույն ռադայի մոտ Վրաստանի նախկին նախագահ Միխեիլ Սահակաշվիլու կողմնակիցների և ոստիկանության բախումներում ավելի քան 10 ոստիկան է տուժել, հայտնել է ՆԳ նախարարի խորհրդական Զորյան Շկիրյակը:



Ավելի ուշ ճշտվել է, որ տուժած ոստիկանների թիվը 13 է:



«Ոստիկաններից մի քանիսը տարբեր կոտրվածքներ են ստացել, ձերբակալվել է 9 իրավախախտ»,- իր ֆեյսբուքյան էջում գրել է Շկիրյակը:



Նրա խոսքով` ցուցարարները պայթուցիկներ, դյուրավառ հեղուկով շշեր, մետաղյա առարկաներ են նետել ոստիկանների ուղղությամբ, փորձել են անվադողեր վառել Ռադայի մոտ:



Ոստիկանությունը պարզում է տեղի ունեցած ընդհարման հանգամանքները: