Երբ կսկսի գործել թուրքական ատոմակայանի առաջին ռեակտորը 

Թուրքիայի Էներգետիկայի նախարարությունը տեղեկացրել է, որ «Աքույու» ատոմային էլեկտրակայանի առաջին էներգաբլոկը կսկսի գործել արդեն հաջորդ տարի։ Բոլոր 4 էներգաբլոկները կսկսեն շահագործվել 2028 թվականին։ Համաձայն նախագծի, «Աքույուն» ծածկելու է Թուրքիայի էներգետիկ պահանջարկի 10 տոկոսը։ Այս մասին հայտնում է Aksam  պարբերականը։

Թուրքական կողմը նշում է, որ միջուկային էներգիայի օգտագործումը կնպաստի, որպեսզի տարեկան 30 միլիոն տոննա ածխաթթու գազ ավելի քիչ արտանետվի մթնոլորտ Թուրքիայի կողմից։ Հիշեցնենք, որ «Աքույուն» հանդիսանում է ռուս-թուրքական նախագիծ։ Այն կառուցվում է «Ռոսատոմ» կորպորացիայի կողմից։