«Հրապարակ»․ Այսօր տեղի կունենա ՕԵԿ համագումարը․ Կընտրվի կուսակցության ղեկավար կազմը

Այսօր՝ փետրվարի 24-ին, տեղի կունենա ՕԵԿ համագումարը, որտեղ կընտրվի կուսակցության ղեկավար կազմ, եւ կհաստատվեն կառուցվածքային ստորաբաժանումների պատասխանատուները:



Հիշեցնենք, որ Արթուր Բաղդասարյանը եւ իր թիմը փորձում են վերականգնել իրենց նախկին անվանումը՝ հրաժարվելով «Հայկական վերածնունդ» անունից։ Անուն, որն իրենց հաջողություն չբերեց՝ 2017-ին ՀՎԿ-ն չհաղթահարեց 5 տոկոսի շեմը եւ չանցավ խորհրդարան։ Մենք տեղեկացանք, որ Բաղդասարյանի թիմում երկար քննարկում է գնացել այս թեմայով՝ ոմանք պնդել են, որ պետք է վերադառնալ «ՕԵԿ»-ին, ոմանք դեմ են եղել, սակայն քվեարկությամբ ընտրվել է «ՕԵԿ»-ի տարբերակը։ Քվեարկությունից հետո Արթուր Բաղդասարյանը կատակել է, թե, փաստորեն, քվեարկեցիք հանուն ՕԵԿ-ի վերածննդի: Համագումարից հետո վերածնված ՕԵԿ-ը 200 հոգով պատրաստվում է ռեստորանում նշել իր «վերածնունդը»: