Գերմանիայի նոր կառավարությունը ցանկանում է Ռուսաստանի հետ ապահովել խաղաղությունը Եվրոպայում

Գերմանիայի նոր կառավարության կոալիցիոն հուշագրում խոսվում է Ռուսաստանի հետ ԵԱՀԿ սկզբունքներին համապատասխան ԵՄ-ում խաղաղության, եվրոպական բոլոր երկրների ազգային սահմանների և ինքնիշխանության պահպանման երաշխիքներ ապահովելու մասին, տեղեկացնում է РИА Новости-ն:  



«Ռուսաստանը մեր ամենամեծ եվրոպական հարևանն է, որի հետ մենք ցանկանում ենք ԵԱՀԿ սկզբունքներին համապատասխան երաշխավորել խաղաղությունը Եվրոպայում, բոլոր պետությունների ազգային սահմանների անձեռնմխելիությունն ու ինքնիշխանությունը:  Կա տնտեսական փոխանակման մեծ պոտենցիալ, ինչպես նաև քաղաքացիական հասարակության ոլորտում համագործակցության մեծ հետաքրքրություն»,- ասվում է հուշագրում:



Ավելի վաղ հայտնի էր դարձել, որ Գերմանիայի նոր կոալիցիոն կառավարությունում արտգործնախարարի պաշտոնը կստանձնի սոցիալ-դեմոկրատական կուսակցության առաջնորդ Մարտին Շուլցը: