ԱՄՆ Պետդեպում չեն բացառել Վենեսուելայի հանդեպ նավթային էմբարգոյի կիրառումը

ԱՄՆ Պետքարտուղար Ռեքս Թիլերսոնը հայտարարել է, որ ամերիկյան իշխանությունները չեն բացառում, որ Վենեսուելայի հանդեպ կկիրառվի նավթային էմբարգո: Այս մասին հայտնում է Reuters լրատվական գործակալությունը:



Հաղորդվում է նաեւ, որ ամերիկյան փորձագետները ներկայումս ուսումնասիրում են, թե նավթային էմբարգոյի կիրառման դեպքում ինչպիսին կլինեն հնարավոր հետեւանքները եւ որքանով դրանք կհարվածեն ամերիկյան ազգային շահերին:



Նշենք, որ անցած տարի վենեսուելական նավթի վաճառքը նվազել է մինչեւ 1991 թվականի մակարդակը: