«Հրապարակ»․ Սամվել Կարապետյանը հիմա էլ Վանաձորում է «հաստատվում»

Վանաձոր քաղաքի գլխավոր՝ Տիգրան Մեծի փողոցի մի հատվածը տեւական ժամանակ է՝ վերածվել է շինհրապարակի. սկսվել է «Տաշիր» առեւտրի կենտրոնի վանաձորյան մասնաճյուղի շինարարությունը: Այնպես չէ, որ Վանաձորում առեւտրի կենտրոններ չկան, սակայն առաջիկայում զբոսաշրջային կենտրոն դառնալու ծրագիր ունեցող քաղաքին եւս մեկ նման կենտրոնը, փաստորեն, չի խանգարի:



«Տաշիր» ընկերությունների խումբը, ինչպես հայտնի է, պատկանում է ռուսաստանաբնակ հայ գործարար Սամվել Կարապետյանին եւ նրա եղբորը՝ ԱԺ պատգամավոր Կարեն Կարապետյանին: «Տաշիր» առեւտրի կենտրոն կա նաեւ մայրաքաղաքում: