Համարյա մերկ ենք (լրագրային շանսոն)

**Շնորհավոր**



Հայաստանում Ձմեռ պապիների և Ձյունանուշների ծառայության թանկացումը չի կարող որևէ կերպ ազդել միայն կարտոֆիլ գնող մեր հայրենակիցների ամանորյա ծախսերի վրա:



_ԱԺ ՀՀԿ ֆրակցիա_



​



**Կռիվ ԱԺ-ում**



Նիկոլ- Չի անցել:



Շարմազանով- Անցել ա:



Նիկոլ- Չի անցել:



Շարմազանով- Քեզ ասում եմ` անցել ա:



Բաբլոյան- Հիմա անցել ա՞, թե՞ չի անցել:



Նիկոլ- Չի անցել:



Շարմազանով- Անցել ա:



Դավիթ Հարությունյան- Տղերք, ցավում եմ, բայց դուք սխալ բան եք քվեարկել:



Բաբլոյան- Յա՛ա՛ա՛…



​



**Երկու քարի արանքում**



«Ծառուկյան» ընդդիմադիր դաշինքը հետաքրքիր վիճակում է հայտնվել: Ի՞նչ անել` պաշտպանել ՀՀ նախագահի «Ելք»-ի թեկնածուի՞ն, թե՞ վարչապետի` ՀՀԿ թեկնածուին: Գագիկ Ծառուկյանն էլ, թարսի պես, ահավոր զբաղված է այս օրերին:



​



**Ոչ մի խնդիր**



ԵՊՀ ռեկտոր Արամ Սիմոնյանին լուր տվեցին, որ երկու ուսանող, լսարանում փակվել, հացադուլ են անում:



Ասաց` ի՞նչ անեմ, գնամ զոռով հաց ուտեցնե՞մ:



​



**Աստեղային**



ՀՀ ամենահայտնի քաղաքական գործիչներից մեկը` Պարույր Հայրիկյանը, ձմեռային արձակուրդից քաղաքական թատերաբեմ կվերադառնա մեկ էլ Փետրվարյան ապստամբության օրերին և հանրությանը հասանելի կլինի մինչև 2018թ. մայիսյան տոները:



_Գրասենյակ_



​



**Գալուստ բժշկիչ**



-Ինչպե՞ս ես, Կարեն, առողջ ցանկությունդ դեռ չի՞ անցել,- հարցնում է Սերժ Սարգսյանը:



-Լավ եմ, շնորհակալություն, Գալուստ Սահակյանի տված «դեղերի» վրա լրիվ անցել է:



​



**Էդիկ Անդրեասյան**