Խմել եռացրած ջո՞ւր
Հիգիենիկ եւ հակահամաճարակային պետական տեսչության Սյունիքի մարզային կենտրոնի պետ Լենա Մալինցյանը չորեքշաբթի նշեց, որ կապանցիներին մատակարարվող խմելու ջրի մեջ շեղումներ են հայտնաբերվել, ու հորդորեց եռացրած ջուր խմել: Բոլորվին այլ տեսակետ ունեն ջրմուղագործները: "Սյունիքի մարզկենտրոնի բնակիչներին մատակարարվող խմելու ջրի մեջ շեղումներ չկան, ու ջրի որակը համապատասխանում է սահմանված բոլոր նորմերին: Այն, որ քաղաքի կոյուղաջրերը խառնվել են խմելու ջրերին, չի համապատասխանում իրականությանը։ Պետք չէ խուճապի մատնվել",-նման հայտարարություն է արել "Հայջրմուղկոյուղու" հարավային մասնաճյուղի "Կապան" տեղամասի պետ Հովհաննես Գեւորգյանը:
Հիշեցնենք, որ արդեն 7 օր է, ինչ շարունակվում է համաճարակաբաններ-ջրմուղագործներ հակասությունը: Ըստ համաճարակաբանների, "չնայած ախտածին ֆլորա չեն հայտնաբերել ջրի մեջ, բայց որակական շեղումներ արձանագրվել են": Ըստ տիկին Մալինցյանի՝ դա վարակազերծումը ոչ ճիշտ կազմակերպելու հետեւանք է, որը կատարվել է ոչ թե հեղուկ քլորով, այլ քլորակրի հաբերով: "Քլորակրի հաբերի դոզավորումը եւ հաշվարկները սխալ են կատարվել, ինչն էլ պատճառ է հանդիսացել, որպեսզի ջրի որակը զգալիորեն վատանա",-օրեր առաջ ասել էր համաճարակաբանը։ Հովհաննես Գեւորգյանը չի թաքցնում, որ հեղուկ քլոր չունեն, ու որ քլորակրով է ջուրը վարակազերծվում: Տարբերություն չկա, նույն նյութերն են` հակառակ բուժաշխատողների պնդում են ջրմուղագործները: "Գուցե մի օր պատկերը այլ չի եղել, ու նման ենթադրության են հանգել համաճարակաբանները",-ասում է Հ. Գեւորգյանը` մեկ անգամ եւս հավաստիացնելով, որ ջուրը մաքուր է ու պետք չէ եռացրած խմել կամ շշալցված ջուր գնել: Ի դեպ, Կապանի բժշկական կենտրոնից տեղեկացանք, որ առայժմ թունավորումներ չկան:
Արմեն ԴԱՎԹՅԱՆ
Հիշեցնենք, որ արդեն 7 օր է, ինչ շարունակվում է համաճարակաբաններ-ջրմուղագործներ հակասությունը: Ըստ համաճարակաբանների, "չնայած ախտածին ֆլորա չեն հայտնաբերել ջրի մեջ, բայց որակական շեղումներ արձանագրվել են": Ըստ տիկին Մալինցյանի՝ դա վարակազերծումը ոչ ճիշտ կազմակերպելու հետեւանք է, որը կատարվել է ոչ թե հեղուկ քլորով, այլ քլորակրի հաբերով: "Քլորակրի հաբերի դոզավորումը եւ հաշվարկները սխալ են կատարվել, ինչն էլ պատճառ է հանդիսացել, որպեսզի ջրի որակը զգալիորեն վատանա",-օրեր առաջ ասել էր համաճարակաբանը։ Հովհաննես Գեւորգյանը չի թաքցնում, որ հեղուկ քլոր չունեն, ու որ քլորակրով է ջուրը վարակազերծվում: Տարբերություն չկա, նույն նյութերն են` հակառակ բուժաշխատողների պնդում են ջրմուղագործները: "Գուցե մի օր պատկերը այլ չի եղել, ու նման ենթադրության են հանգել համաճարակաբանները",-ասում է Հ. Գեւորգյանը` մեկ անգամ եւս հավաստիացնելով, որ ջուրը մաքուր է ու պետք չէ եռացրած խմել կամ շշալցված ջուր գնել: Ի դեպ, Կապանի բժշկական կենտրոնից տեղեկացանք, որ առայժմ թունավորումներ չկան:
Արմեն ԴԱՎԹՅԱՆ
Կարծիքներ