Եթե այն ժամանակ հետամուտ լինեի՜նք...
hraparak
24 Հուլիս 2010 | 15:19
0
"Հրապարակի" նախորդ համարի խմբագրականը տրամադրեց, որ անդրադառնամ այս խնդրին եւ ես էլ իմ հերթին խնդրեմ, աղաչեմ-պաղատեմ մեր ղեկավարությանը` օգտվեք միջազգային քաղաքական կյանքում տեղի ունեցող երեւույթներից, օգտվեք Կոսովոյի նախադեպից եւ, ամենակարեւորը, խուսափեք մեր երկրի նախորդ ղեկավարների թույլ տված սխալներից: Բերեմ մեկ օրինակ, երբ բաց թողնվեց առիթը` ամրապնդելու այն հաջողությունը, որ այլեւ ձեւակերպված էր Նախիջեւանի եւ Լեռնային Ղարաբաղի` Հայաստանի կազմում լինելու փաստը:Ահավասիկ:
1920թ. նոյեմբերի 30-ին Ադրբեջանի կոմկուսի Կենտկոմի քաղբյուրոյի եւ կազմբյուրոյի համատեղ նիստում որոշվում է Ադրհեղկոմի նախագահ Ն. Նարիմանովին հանձնարարել հեղկոմի անունից հռչակագիր կազմել ու մատնանշել, որ Խորհրդային Ադրբեջանի եւ Խորհրդային Հայաստանի միջեւ վերանում են բոլոր տարածքային վեճերը: Որոշման մեջ ասված է. "Ադրբեջանի բանվորագյուղացիական կառավարությունը, ստանալով ապստամբած գյուղացիների անունից Հայաստանը Սոցիալիստական Խորհրդային Հանրապետություն հայտարարելու ուրախալի լուրը, ողջունում է եղբայրական ժողովրդի հաղթանակը: Այսօրվանից Հայաստանի եւ Ադրբեջանի միջեւ եղած սահմանային վեճերը հայտարարվում են վերջացած: Լեռնային Ղարաբաղը, Զանգեզուրը եւ Նախիջեւանը համարվում են Հայաստանի Սոցիալիստական Հանրապետության մասը":
Ահա այսպիսի բաներ:
Հովհաննես ՊԱՊԻԿՅԱՆ
Կարծիքներ