Զարմանահրաշ ոստիկանապետը

Հավանաբար Արարատի նախկին մարզպետ Վարդգես Հովակիմյանի հրապարակային ելույթը եւ իր հասցեին ասված թթու խոսքերը ոստիկանապետ Ալիկ Սարգսյանը ծանր է տարել եւ որոշել է նախկին մարզպետի մեղադրանքներից մաքրվել մարզեր այցելելով: Երեկ նա այցելել է Գեղարքունիքի մարզ, որտեղ ոստիկանների առաջ ելույթ ունենալով նշել է, որ "ոստիկանության գերխնդիրը քաղաքացիների իրավունքների պաշտպանությունն ու օրենքի գերակայության պահպանումն է": Ոստիկանության լրատվականը հաղորդագրության վերջում գրել է. "Վարդենիսի բնակիչներն ընդգծեցին, որ վերջին տարիներին ակնհայտորեն բարձրացել է ոստիկանության հեղինակությունը, եւ ոստիկանապետին շնորհակալություն հայտնեցին կատարված աշխատանքի համար": Այսպիսի զարմանահրաշ բաներ: