Ցնծա բյուրվիշապ Հայաստան աշխարհ

Երեկ, ի ցնծություն հայ ժողովրդի եւ նրա իշխանությունների, Հայաստան ժամանեց Դմիտրի Մեդվեդեւը՝ Ռուսաստանի նախագահը: Ի պատիվ ՌԴ նախագահի՝ երեկ մայրաքաղաքի կենտրոնի փողոցներում խցանումներ էին, մեծ թվով մարդիկ կեսգիշերին մոտ մնացել էին երթուղայիններում նստած, կանգառներում կանգնածներին առաջարկում էին չկանգնել՝ քայլել, իսկ Կասկադի մերձակայքում այնքան ոստիկան կար, որ թվում էր՝ հանրապետությունում մնացած ողջ ազգաբնակչությունը մի քանի օրով այս կառույցում աշխատանքի է անցել: