Ոստիկանը նաեւ զինվորական է

Երեկ, երբ մեր թղթակիցը հարցազրույց է խնդրել Երեւանի ոստիկանապետ Ներսես Նազարյանից, վերջինս պատասխանել է, թե ՀՀ ոստիկանապետ Ալիկ Սարգսյանն իրենց արգելել է հարցազրույցներ տալ, փոխարենը հրահանգել է տարին երկու անգամ ասուլիսներ հրավիրել: Մեր թղթակիցը նկատել է, որ դա արտահայտվելու իրավունքի սահմանափակում է: "Չէ: Մենք զինվորական ենք",- պատասխանել է Նազարյանը՝ հրաժարվելով հարցազրույցից: Մենք տեղեկացանք, որ նա մոտ օրերս ասուլիս է տալու: