Աշոտյանն ուզում է ազատվել տնտեսագիտականի ռեկտորից

ԿԳ նախարար Արմեն Աշոտյանն ուզում է աշխատանքից ազատել Երեւանի տնտեսագիտական համալսարանի ռեկտոր Յուրի Սուվարյանին՝ նախ քանի որ նրա տարիքն արդեն լրացել է, եւ Սուվարյանը, օրենքով սահմանված կարգով, պիտի տեղը զիջի երիտասարդ կադրերին: Հետո էլ՝ որ հանդգնել է հակադրվել իրեն: ԿԳՆ-ին մոտ կանգնած մեր աղբյուրը հավաստիացնում է, որ սեպտեմբերի 1-ի նախաշեմին հրավիրված խորհրդակցության ժամանակ Յուրի Սուվարյանը բողոքել է, թե այս տարվա ընդունելության ժամանակ նախարարն իրեն խոստացած 700 տեղի փոխարեն հատկացրել է 500 տեղ: Աշոտյանը մյուս բուհերի ղեկավարների ներկայությամբ կշտամբել է Սուվարյանին, ասելով, թե նրա բուհն առանց այդ էլ թողարկում է անպիտան կադրեր, եւ 500 տեղն էլ է իրեն շատ: