Ադրբեջանցիները դիվերսիայի փորձի ժամանակ 7 զոհ ու վիրավոր են տվել
hraparak
1 Սեպտեմբեր 2010 | 09:19
0
«Ադրբեջանի կողմից տարածված տեղեկությունները չեն համապատասխանում իրականությանը, դեռ ավելին, դեպքերը ներկայացվում են գլխիվայր: Դիվերսիոն գործողության նախաձեռնողը եղել է ադրբեջանական կողմը, ինչի արդյունքում հակառակորդը ետ է շպրտվել դեպի իր ելման դիրքերը»,- անդրադառնալով Ադրբեջանական դիվերսիոն խմբի կողմից՝ Չայլու գյուղի ուղղությամբ իրականացված հերթական դիվերսիոն գործողությանը՝ Panorama.am-ի հետ զրույցում նշել է ԼՂՀ ՊԲ հրամանատարի մամլո խոսնակ Սենոր Հասրաթյանը:Նշենք, որ ադրբեջանական կողմն արդեն իսկ խոստովանել է, որ իրենց կողմից զոհեր են գրանցվել, սակայն նշել է, որ զոհեր է գրանցել նաև հայկական կողմը:
«Մարտի ընթացքում, Ադրբեջանական բանակը նվազագույնը 7 զոհ և վիրավոր է տվել, որոնցից երկուսի անունն արդեն հայտնի է՝ Վուգար Ամիրով և Պարվին Աբդուլլաև: Իսկ ինչ վերաբերվում է ղարաբաղյան կողմի կորստին, ապա պաշտպանական բանակի ուժերը մարտի ժամանակ 1 վիրավոր են տվել, ով այս պահին գգտնվում է Ստեփանակերտի զինվորական հոսպիտալում և նրա կյանքին վտանգ չի սպառնում»,- ասել է բարձրաստիճան զինվորականը:
Ս. Հասրաթյանի խոսքերով, Ադրբեջանի պաշտպանության նախարարությունը հերթական անգամ չի նշում իրենց զոհերի և վիրավորների իրական թիվը, որոնք անհամեմատ շատ են, քան ներկայացված է նրանց պաշտոնական հաղորդագրության մեջ:
Կարծիքներ