Լավ, ոչ ռուսամոլությանը, բայց էսքա՞ն

Էկոնոմիկայի նախարար Ներսես Երիցյանը, որը հայտնի է նորագույն տեխնոլոգիաների նկատմամբ ուրույն սիրով, եւ այդ թեմայով նրա մի շարք ելույթների հիման վրա բազում անեկդոտներ են շրջում, վարչապետ Տիգրան Սարգսյանի ամենամտերիմ պաշտոնյաներից մեկն է համարվում: Էկոնոմիկայի եւ ընդհանրապես երկրի առաջընթացի, զարգացման մասին այդքան հաճախ ճառող Երիցյանը, պարզվում է, բացարձակապես չի տիրապետում ռուսերեն լեզվին: Վերջերս Հայաստան այցելած մի քանի ռուսալեզու պատվիրակությունների հետ հանդիպումների ժամանակ սովորաբար ճարտարախոս նախարարը ձկան պես լուռ է մնացել: Մի հանդիպման ժամանակ նրան նեղ վիճակից հանել է Շավարշ Քոչարյանը, մյուսների ժամանակ՝ տարբեր մակարդակի այլ պաշտոնյաներ: