Դոշ է տալիս, փրփրում

Թե մայրաքաղաքում նոր փողոցների ու էստակադաների կառուցումն ինչ օգուտ տվեց, դժվար է ասել՝ խցանումներն ինչպես կային, այնպես էլ մնացել են: Սակայն որ այդ փողոցաշինությունից հետո Երեւանի ջրահեռացումը վատացել է՝ փաստ է: Ամեն մի անձրեւ փոքրիկ ջրհեղեղ է առաջացնում, հատկապես վատ է վիճակը կամուրջների տակ եւ թունելներում: Աստված մի արասցե՝ մի երկարատեւ ու հորդառատ անձրեւ, եւ մենք կարող ենք հեռուստատեսային լուրերից այնքան հաճախ ցուցադրվող ջրհեղեղներին ավելի մոտիկից «ծանոթանալ»: