Դեմ են ոչ թե նախագծին, այլ նախաձեռնությանը

Գալուստ Սահակյանը երեկ ԱԺ-ում ԼՂ անկախության ճանաչման օրինագծի քննարկման ժամանակ դրսեւորեց մտքի աներեւակայելի ճկունություն: «Մենք իրոք դեմ ենք քվեարկելու, բայց նախաձեռնությանը, ոչ թե նախագծին»,-հայտարարեց նա: Անհասկանալի է, թե ինչպես է ՀՀԿ-ն պատրաստվում կողմ արտահայտվել նախագծին, բայց դեմ հանդես գալ «Ժառանգության» նախաձեռնությանը: Թեպետ Գալուստ Սահակյանի ելույթի հաջորդ մասում կարելի է գտնել նրա տրամաբանության գաղտնիքը: Նա հորդորեց ««Ժառանգությանը» չխանգարել «մեր խաղաղ գործընթացներին» ու որպես քաղաքական մեծամասնության ներկայացուցիչ՝ առաջարկեց բավարարվել քննարկումներով եւ օրինագիծը չդնել քվեարկության: