Սեյրան Օհանյանի տրամադրությունը լավ էր
hraparak
15 Հոկտեմբեր 2010 | 09:23
0
Երեկ, կարելի է ասել, սենսացիա է տեղի ունեցել կառավարության շենքի մոտ: Պաշտպանության նախարար Սեյրան Օհանյանը նիստից հետո ոչ միայն գլխավոր մուտքից է դուրս եկել, այլեւ մոտեցել է կառավարության առջեւ մշտապես բողոքող սպանված զինվորների ծնողներին ու լսել նրանց: Պնախարարը խոստացել է նրանց գործերով զբաղվել, իսկ հավատ ներշնչելու համար նշել է, որ օրերս նոր տեղակալ է նշանակել Վովա Գասպարյանին, որը զբաղվելու է հենց այդպիսի հարցերով:«Ասաց անձամբ կկանչի նրան, ու վերահսկողությունը կսահմանեն այս գործին, խոստացավ արդյունքի մասին մեզ տեղեկացնել»-, մեր թղթակցին փոխանցել է 2007 թվականին սպանված Տիգրան Օհանջանյանի մայրը՝ տիկին Գոհարը: Իհարկե, չի բացառվում, որ այս սենսացիան պայմանավորված է եղել նաեւ Օհանյանի բարձր տրամադրությամբ, քանի որ «Վարչապետի գավաթ» ֆուտբոլային մրցաշարի եզրափակիչ խաղն ավարտվել է ՊՆ հաղթանակով: Այս մասին լուրով ու ՊՆ-ին ուղղված շնորհավորանքով էլ վարչապետը բացել է կառավարության երեկվա նիստը:
Կարծիքներ