«Ժառանգության» վերջնագիրը Ազգային Ժողովին
hraparak
28 Հոկտեմբեր 2010 | 10:07
0
«Ժառանգություն» խմբակցությունը վերջնագիր է ներկայացրել ԱԺ ղեկավարությանը՝ ԼՂ անկախության ճանաչման հարցն ԱԺ օրակարգ մտցնելու առթիվ: Հակառակ պարագայում «Ժառանգությունը» հարցն այսօր կդնի հրատապ քննարկման: «Մինչեւ վաղը` ժամը 12-ը պատրաստ ենք սպասել, ընդունել այն առաջարկը, որ այդ օրինագիծը ակտիվ կպահի հերթական օրակարգում»,- երեկ հայտարարեց Րաֆֆի Հովհաննիսյանը՝ հավելելով. «Սա անհրաժեշտ է մեր պետականության եւ հայ ժողովրդի համար»:Նշենք, որ նախօրեին Ազգային ժողովի նախագահ Հովիկ Աբրահամյանը ԼՂ անկախությունը Հայաստանի կողմից ճանաչելու պատասխանատվությունը ԱԺ-ի վրայից սրընթաց կերպով գցեց Սերժ Սարգսյանի վրա՝ հայտարարելով, թե «եթե նախագահը հանդիպումից հետո մեզ առաջարկի, որ մենք ընդունենք, ճանաչենք Ղարաբաղի անկախությունը, մեծ սիրով: Եթե երկրի նախագահի գլխավորությամբ որոշենք, որ պետք է դե յուրե ճանաչենք ԼՂ անկախությունը, անպայման մենք շատ արագ կնախաձեռնենք ու արտահերթ նիստով կարող ենք դա անել»: Ասել է թե՝ եթե ԱԺ-ն չճանաչի Ղարաբաղի անկախությունը, դրա պատասխանատուն լինելու է ոչ թե ԱԺ-ն, այլ Սերժ Սարգսյանը:
Կարծիքներ