Խաչիկյանի համ գործերն են վատ, համ առողջությունը
Մոտ մեկ ամիս շարունակվող ստուգումների արդյունքում ՀՀ Վերահսկիչ պալատը Սոցիալական ապահովության պետական ծառայությունում, ըստ որոշ լուրերի, աղաղակող խախտումներ է գտել: Երբ այդ խախտումները ներկայացվել են սոցապ ծառայության պետ, ՀՀԿ խորհրդի անդամ Վազգեն Խաչիկյանին, նրա մոտ ճնշման մեծ տատանում է առաջացել, եւ նրան տեղափոխել են հիվանդանոց: Ստուգումների ավարտին ՎՊ-ն պետք է ակտ կազմի, եւ դրա կազմմանը պետք է մասնակցի նաեւ ծառայության ղեկավարությունը: Սակայն Խաչիկյանի առողջական վիճակը չի ներել, եւ այդ քննարկումը տեղի է ունեցել իր բացակայությամբ: Ավելին, ըստ հավաստի լուրերի, նա անսպասելի մեկնել է Մոսկվա՝ ստուգման, սակայն մինչեւ մեկնելը աշխատանքից ազատվելու դիմում է ներկայացրել: Մեր աղբյուրներն ասում են, որ այս իրավիճակին տեղյակ է Սերժ Սարգսյանը, որը ծանոթանալով ստուգումների նախնական արդյունքներին, զայրացել է եւ հանձնարարել շարունակել ստուգումները եւ գործը հասցնել ավարտին:
Կարծիքներ