ՍԴ նախագահը խոստովանել է, որ դատարաններն աշխատում են թերացումով

Ադրբեջանի Սահմանադրական դատարանի նախագահ Ֆարհադ Աբդուլայեւը հայտարարել է, որ դատական համակարգի վերաբերյալ տեղական եւ միջազգային կառույցների քննադատությունը պետք է լուրջ քննարկան առիթ դառնա: «Այլ երկրների համեմատ՝ Ադրբեջանից Եվրոպական դատարան ավելի քիչ բողոքներ են ուղարկվել, սակայն դա չի նշանակում, թե մեր դատարանները գործերը մշտապես օրենքին համապատասխան են քննում»,- խոստովանել է Աբդուլայեւը:



Ադրբեջանը Եվրոպական Խորհրդի անդամ է դարձել 2001 թվականից, որից հետո մինչ այսօր Մարդու իրավունքների եվրոպական դատարանը այդ երկրի վերաբերյալ 30 որոշումներ է կայացրել, սակայն դատարան դիմողների թիվն ավելացել է: Ամեն տարի Ադբեջանի մոտ 1000 քաղաքացիներ դիմում են Եվրոպական դատարան, այդ դիմումների ճնշող մեծամասնությունը դեռեւս քննված չեն եւ սպասում են իրենց հերթին: Սահմանադրական դատարանի նախագահը նշել է, որ քաղաքացիների իրավունքները հաճախ խախտվում են օրենքների չիմացության պատճառով, իսկ երբեմն էլ օրենքը պահպանելու կոչված անձանց թերացումներն են նպաստում դրան: Ֆարհադ Աբդուլայեւը կարեւորում է հասարակության մեջ իրավական գիտակցության զարգացումը: