Ֆիննախարարի պորտֆելը Տիգրան Դավթյանի համար տրամպլի՞ն էր
Վերջին կադրային փոփոխությունների շրջանակներում միայն Տիգրան Դավթյանի նախարարական պորտֆելը փոխարինվեց մեկ այլ պորտֆելով՝ նա ֆիննախից տեղափոխվեց էկոնոմիկայի նախարարություն: Եթե մյուս պաշտոնանկությունները պատճառաբանվում էին աշխատանքների թերացմամբ, ապա Տիգրան Դավթյանի դեպքում նման բան չասվեց: Իսկ իր՝ Դավթյանի կարծիքով, պարզվում է, էկոնոմիկայի ոլորտը կառավարելու համար անհրաժեշտ է նախ լինել ֆինանսների նախարար: Այսինքն, նախկին պորտֆելը տրամպլին է եղել:
Երեկ կառավարության նիստից հետո Տիգրան Դավթյանը շտապեց շենքը լքել գլխավոր մուտքից, նախկինում շենքի միջանցքով հանգիստ սահում էր դեպի իր կաբինետ, որը կառավարության շենքում էր: Լրագրողներով սլացանք նրա ետեւից՝ հարցնելու, թե շենքի փոփոխությունից ինչ է փոխվել իր կյանքում: Նաեւ՝ ինչ չէր արել Ներսես Երիցյանը, որ անհրաժեշտություն զգացվեց այլ անձի վստահել այդ ոլորտը:
«Իմ կյանքում քիչ բան փոխեց, որովհետեւ աշխատանքի ռեժիմը, ոճը մնացել է նույնը, իմ մոտ տարիներով ձեւավորված է: Բայց, բնականաբար, նոր նախարարությունը ինձ համար նոր չի, եւ գիտեք, որ հոգեհարազատ նախարարություն է: Եվ էդ առումով շատ լավ տրամադրությամբ եմ գնացել նախարարություն եւ մեծ սպասելիքներով ու ակնկալիքներով եւ աշխատանքային, եւ նպատակային տրամադրված եմ աշխատելու»,- «կիսվեց» Դավթյանը: Ապա ավելացրեց, որ անցումային շրջան չկա իր համար եւ չի կարող լինել այն պարզ պատճառով, որ ջանասեր նախարարը միանգամից է լծվում աշխատանքի:
Իսկ ինչին է առաջինը լծվել, ենթադրեցինք՝ կադրային փոփոխություններին: Նախարարն առանց ձեւականությունների պատասխանեց. «Կադրային փոփոխություններ կլինեն, չեմ բացառում, դեռ չեմ արել, բայց պլանավորում եմ»: Քանի որ այս փոփոխությունները մեկնաբանվեցին ու վերագրվեցին բարեփոխումներին եւ կոռուպցիան վերացնելուն, Տիգրան Դավթյանից հարցրինք, թե կոնկրետ իր դեպքում այս տեղափոխությունը վարձատրելո՞ւ, թե՞ պատժի շրջանակում էր:
«Կարծում եմ՝ տրամաբանական փոփոխություն է, ռոտացիոն, որը որ շատ բնական է, եւ կասեմ, որ ֆինանսների նախարարությունում երեք տարի աշխատելը շատ օգտակար է եւ գիտելիքների ու ըմբռնման առումով: Կարծում եմ՝ այն էկոնոմիկայի նախարարը, որը որ աշխատել է նաեւ ֆինանսների նախարար, իր համար դա շատ օգտակար փորձ է եւ գիտելիք՝ եւ ըմբռնման, եւ որոշումներ ընդունելու առումով: Շատ ցանկալի կլիներ, որ ապագայում էկոնոմիկայի նախարարները նաեւ ֆինանսների նախարարությունում աշխատելու փորձ ունենային»,-վերլուծեց նախկին ֆիննախարարը՝ եզրահանգելով, որ երկուսն էլ շատ ծանր ու լուրջ նախարարություններ են, ուժերի մեծ լարում են պահանջում:
Երեկ կառավարության նիստից հետո Տիգրան Դավթյանը շտապեց շենքը լքել գլխավոր մուտքից, նախկինում շենքի միջանցքով հանգիստ սահում էր դեպի իր կաբինետ, որը կառավարության շենքում էր: Լրագրողներով սլացանք նրա ետեւից՝ հարցնելու, թե շենքի փոփոխությունից ինչ է փոխվել իր կյանքում: Նաեւ՝ ինչ չէր արել Ներսես Երիցյանը, որ անհրաժեշտություն զգացվեց այլ անձի վստահել այդ ոլորտը:
«Իմ կյանքում քիչ բան փոխեց, որովհետեւ աշխատանքի ռեժիմը, ոճը մնացել է նույնը, իմ մոտ տարիներով ձեւավորված է: Բայց, բնականաբար, նոր նախարարությունը ինձ համար նոր չի, եւ գիտեք, որ հոգեհարազատ նախարարություն է: Եվ էդ առումով շատ լավ տրամադրությամբ եմ գնացել նախարարություն եւ մեծ սպասելիքներով ու ակնկալիքներով եւ աշխատանքային, եւ նպատակային տրամադրված եմ աշխատելու»,- «կիսվեց» Դավթյանը: Ապա ավելացրեց, որ անցումային շրջան չկա իր համար եւ չի կարող լինել այն պարզ պատճառով, որ ջանասեր նախարարը միանգամից է լծվում աշխատանքի:
Իսկ ինչին է առաջինը լծվել, ենթադրեցինք՝ կադրային փոփոխություններին: Նախարարն առանց ձեւականությունների պատասխանեց. «Կադրային փոփոխություններ կլինեն, չեմ բացառում, դեռ չեմ արել, բայց պլանավորում եմ»: Քանի որ այս փոփոխությունները մեկնաբանվեցին ու վերագրվեցին բարեփոխումներին եւ կոռուպցիան վերացնելուն, Տիգրան Դավթյանից հարցրինք, թե կոնկրետ իր դեպքում այս տեղափոխությունը վարձատրելո՞ւ, թե՞ պատժի շրջանակում էր:
«Կարծում եմ՝ տրամաբանական փոփոխություն է, ռոտացիոն, որը որ շատ բնական է, եւ կասեմ, որ ֆինանսների նախարարությունում երեք տարի աշխատելը շատ օգտակար է եւ գիտելիքների ու ըմբռնման առումով: Կարծում եմ՝ այն էկոնոմիկայի նախարարը, որը որ աշխատել է նաեւ ֆինանսների նախարար, իր համար դա շատ օգտակար փորձ է եւ գիտելիք՝ եւ ըմբռնման, եւ որոշումներ ընդունելու առումով: Շատ ցանկալի կլիներ, որ ապագայում էկոնոմիկայի նախարարները նաեւ ֆինանսների նախարարությունում աշխատելու փորձ ունենային»,-վերլուծեց նախկին ֆիննախարարը՝ եզրահանգելով, որ երկուսն էլ շատ ծանր ու լուրջ նախարարություններ են, ուժերի մեծ լարում են պահանջում:
Կարծիքներ