Ագարակի դեպքերի կապակցությամբ քրեական գործ դեռ չի հարուցվել
hraparak
9 Հունվար 2011 | 08:51
0
Ագարակի քաղաքապետ Մխիթար Զաքարյանի ու գործարար Արարատ Հովհաննիսյանի կողմնակիցների միջև տեղի ունեցած ծեծկռտուքից ու վիճաբանությունից հետո ոստիկանության Մեղրիի բաժնում շարունակում են նյութեր նախապատրաստել դեպքի կապակցությամբ: Հիշեցնենք, որ օրեր առաջ քաղաքապետի ու գործարարի մտերիմների միջև ծագած հակասությունը հունվարի 7-ին գագաթնակետին է հասել, ու հենց Ագարակի կենտրոնական հրապարակում քաղաքապետի եղբայրը` Մհեր Զաքարյանը, ծեծել է Արարատ Հովհաննիսյանին: Վերջինս էլ զենքով է փորձել վախեցնել հավաքվածներին:Ինչպես մեզ հաջողվեց ճշտել, ոստիկանությունում հարցաքննվել ու բացատրություն են տվել 8 հոգի, այդ թվում` տուժած Արարատ Հովհաննիսյանն ու նրա կողմնակիցները: Սակայն այս պահի դրությամբ քրեական գործ չի հարուցվել, ու ձերբակալվածներ չկան: Նշենք նաև, որ իրավապահները նախօրեին հայտարարել էին, որ փաստի առնչությամբ քրեական գործ հարուցվելու է:
Ի դեպ, ըստ շրջանառվող լուրերի չի բացառվում, որ միջադեպի հրահրմանը խառը լինի Ագարակի նախկին քաղաքապետ Մայիս Խաչատրյանի մատը: Մեր աղբյուրների փոխանցմամբ, գործարարն ու նախկին քաղաքապետը մտերմիկ հարաբերությունների մեջ են: Այս օրերին Մ.Խաչատրյանն է վարում Ա. Հովհաննիսյանի ավտոմեքենան ու դեպքի օրը տուժածներին ինքն է տարել հիվանդանոց:
Կարծիքներ