Ինչ էն փնտրում գողերը «Հանրապետություն» կուսակցության գրասենյակում
Մեկ ամսվա ընթացքում արդեն երկրորդ անգամ անհայտ անձինք մուտք են գործում «Հանրապետություն» կուսակցության գրասենյակ եւ տակնուվրա անում այն: Նախորդ դեպքը տեղի էր ունեցել դեկտեմբերի 13-ին: Այդ ժամանակ անհայտ անձինք տարել էին կուսակցության քաղխորհրդի անդամ, իրավապաշտպան Արտակ Զեյնալյանի համակարգչի մոնիտորը, այս անգամ ակնառու ոչինչ չի կորել գրասենյակից, միայն տակնուվրա են արել իրավապաշտպանի փաստաթղթերը: «Փոստային ծրարներ են բացել, հանել պարունակությունը, դրանք իմ թղթակցություններն են դատարանների հետ, դարակներն են քրքրել: Ինձ հայտնի չէ, թե ինչ են փնտրել»,-ասաց Զեյնալյանը:
Նա կատարվածը հայտնաբերել է առավոտյան, ժամը 10-ի սահմաններում: Դեպքի վայր են եկել ոստիկանության աշխատակիցներ, տեղզննում անցկացրել, սակայն որեւէ մատնահետք չեն հայտնաբերել, ինչը խոսում է այն մասին, որ ավազակները փորձառու են եղել եւ գործել են շատ պրոֆեսիոնալ: Արտակ Զեյնալյանը հրաժարվեց ենթադրություններ անել, թե ովքեր են այս ամենի կազմակերպիչները եւ իրականացնողները, սակայն համոզված է, որ դա կապված է իր գործունեության հետ. «Կարծում եմ, սա ուղղված է նախ բնակարանի անձեռնմխելիության մեր իրավունքի դեմ եւ երկրորդ՝ մեր մասնագիտական պրոֆեսիոնալ գործունեության դեմ»:
Նա կատարվածը հայտնաբերել է առավոտյան, ժամը 10-ի սահմաններում: Դեպքի վայր են եկել ոստիկանության աշխատակիցներ, տեղզննում անցկացրել, սակայն որեւէ մատնահետք չեն հայտնաբերել, ինչը խոսում է այն մասին, որ ավազակները փորձառու են եղել եւ գործել են շատ պրոֆեսիոնալ: Արտակ Զեյնալյանը հրաժարվեց ենթադրություններ անել, թե ովքեր են այս ամենի կազմակերպիչները եւ իրականացնողները, սակայն համոզված է, որ դա կապված է իր գործունեության հետ. «Կարծում եմ, սա ուղղված է նախ բնակարանի անձեռնմխելիության մեր իրավունքի դեմ եւ երկրորդ՝ մեր մասնագիտական պրոֆեսիոնալ գործունեության դեմ»:
Կարծիքներ