Ինչու Արմեն Հարությունյանը հրաժարվեց ՄԻՊ պաշտոնից

«Մարդու իրավունքների պաշտպանի մասին» օրենքում փոփոխությունների նախագիծը թեեւ մշակվում էր արդարադատության նախարարությունում, սակայն առաջարկներ էր ներկայացրել նաեւ ՄԻՊ Արմեն Հարությունյանը: Դրանց մեջ մի կետ է եղել, որն օմբուդսմենի համար պետք է օրենքով ամրագրեր պաշտոնավարման ժամկետը լրանալուց հետո «համարժեք պաշտոնի» անցնելու իրավունք, որն ըստ մասնագետների՝ կարող էր լինել միայն Սահմանադրական դատարանի նախագահի պաշտոնը:



Ընդ որում, քանի որ Գագիկ Հարությունյանի պաշտոնավարման ժամկետի ավարտը համընկնում էր Արմեն Հարությունյանի՝ օմբուդսմենի պաշտոնում երկրորդ ժամկետի հետ, ուստի պարզ էր, որ դրանով Հարությունյանն իր համար տեղ է ապահովում, եւ այդ կետը հանել էին նախագծից: Հավանաբար, այս փոփոխությունից հետո էլ Ա. Հարությունյանը որոշել է հրաժարվել ՄԻՊ պաշտոնից եւ ՄԱԿ-ի համակարգում ցմահ ու տաքուկ տեղ գտնել իր համար: