Արցախյան կադրային շարժեր` կառուցվածքային փոփոխություններով
Արցախում Նոր տարին սկսվել է կադրային շարժերով ու կառավարման համակարգի կառուցվածքային փոփոխություններով։ Արցախի ղեկավարի հրամանագրով արդարադատության առաջին դասի խորհրդական Սերգեյ Ստեփանյանը նշանակվել է գլխավոր դատախազի տեղակալ: Մեկ այլ հրամանագրով Վարդան Բարսեղյանը ԼՂՀ արտաքին գործերի փոխնախարարի պաշտոնից ազատվել եւ նշանակվել է Արցախի Հանրապետության նախագահի խորհրդական:
Խորհրդականի պաշտոնն Արցախում յուրօրինակ նշանակություն ունի։ Հենց որ նոմենկլատուրային մի պաշտոնյայի համար չեն կարողանում հարմար հաստիք գտնել, խորհրդական են հարմար գտնում, ինչն ամենեւին չի նշանակում, թե վերջինս երբեւէ խորհուրդներ է տալու իր պետին։ Ասում են՝ նախագահի խորհրդականներից կարելի է առնվազն 2-3 ֆուտբոլային թիմ պատրաստել։
Վարչապետ Արա Հարությունյանի որոշմամբ Քաջիկ Խաչատրյանն ազատվել է կառավարությանն առընթեր ջրային տնտեսության վարչության պետի պաշտոնից եւ նշանակվել ԼՂՀ Շուշիի շրջանի վարչակազմի ղեկավար: Հունվարի 25-ին կայացած ԼՂՀ կառավարության 2011 թ. անդրանիկ նիստում հավանություն է տրվել ֆինանսների նախարարության աշխատակազմում, որպես առանձնացված ստորաբաժանում, ֆինանսական վերահսկողության տեսչություն ստեղծելու մասին որոշման նախագծին:
Փոխվարչապետի ասելով՝ դրանով կառավարման ձեւը համապատասխանեցվում է հայաստանյան մոդելին: Արցախի կառավարությանն առընթեր արտադրական ենթակառուցվածքների վարչությունը կվերակազմակերպվի նախարարության։ Միաժամանակ լուծարվելու է ջրային տնտեսության վարչությունը: Վերջինիս գործառույթները կհանձնվեն նորաստեղծ կազմավորմանն ու քաղաքաշինության նախարարությանը:
«Զինապարտության մասին» ԼՂՀ օրենքում կատարված լրացման համաձայն, պարտադիր զինվորական ծառայությունից ազատված քաղաքացիները կզորակոչվեն զինծառայության եւ նախնական զինվորական պատրաստության ծրագիրը յուրացնելուց հետո կհանձնեն ստուգարքներ, իսկ զինվորական երդումն ընդունելուց հետո կարձակվեն պահեստազոր: Նույն օրը Արցախի ղեկավար Բակո Սահակյանը աշխատանքային խորհրդակցություն է անցկացրել շրջանների վարչակազմերի ղեկավարների հետ եւ նրանց հանձնարարականներ տվել։
ԼՂՀ նախագահի լրատվական ծառայության տեղեկատվության համաձայն՝ Բ. Սահակյանը հատուկ ընդգծել է «իրավիճակը ներկայացնող տվյալների ճշգրտության աստիճանի բարձրացման եւ այս համատեքստում տարբեր կառույցների, մասնավորապես, Ազգային վիճակագրական ծառայության հետ շրջվարչակազմերի համագործակցության խորացման անհրաժեշտությունը»: Ասել է թե՝ հենց որ վիճակագրական ծառայության հետ շրջվարչակազմերի ղեկավարները համագործակցեն, դրանից Արցախի ագրարային տնտեսությունը զարգանալու է թվաբանական պրոգրեսիայով։
Բակո Սահակյանն օրերս ընդունել է Արցախում գտնվող ռուսաստանաբնակ հայ բարերար Էդգար Արամյանին, ով ծառայողական մեքենաներ էր նվիրաբերել ԼՂՀ պաշտպանության բանակին: Արցախի ղեկավարը հույս է հայտնել, որ համագործակցությունն այսուհետ էլ կշարունակվի՝ ընդգրկելով տարբեր ոլորտներ: Ակնարկը թափանցիկ է՝ ծառայողական մեքենաներ նվիրեք նաեւ այլ կառույցների։
Արեգ ՎԱՐԴԱՆՅԱՆ
Խորհրդականի պաշտոնն Արցախում յուրօրինակ նշանակություն ունի։ Հենց որ նոմենկլատուրային մի պաշտոնյայի համար չեն կարողանում հարմար հաստիք գտնել, խորհրդական են հարմար գտնում, ինչն ամենեւին չի նշանակում, թե վերջինս երբեւէ խորհուրդներ է տալու իր պետին։ Ասում են՝ նախագահի խորհրդականներից կարելի է առնվազն 2-3 ֆուտբոլային թիմ պատրաստել։
Վարչապետ Արա Հարությունյանի որոշմամբ Քաջիկ Խաչատրյանն ազատվել է կառավարությանն առընթեր ջրային տնտեսության վարչության պետի պաշտոնից եւ նշանակվել ԼՂՀ Շուշիի շրջանի վարչակազմի ղեկավար: Հունվարի 25-ին կայացած ԼՂՀ կառավարության 2011 թ. անդրանիկ նիստում հավանություն է տրվել ֆինանսների նախարարության աշխատակազմում, որպես առանձնացված ստորաբաժանում, ֆինանսական վերահսկողության տեսչություն ստեղծելու մասին որոշման նախագծին:
Փոխվարչապետի ասելով՝ դրանով կառավարման ձեւը համապատասխանեցվում է հայաստանյան մոդելին: Արցախի կառավարությանն առընթեր արտադրական ենթակառուցվածքների վարչությունը կվերակազմակերպվի նախարարության։ Միաժամանակ լուծարվելու է ջրային տնտեսության վարչությունը: Վերջինիս գործառույթները կհանձնվեն նորաստեղծ կազմավորմանն ու քաղաքաշինության նախարարությանը:
«Զինապարտության մասին» ԼՂՀ օրենքում կատարված լրացման համաձայն, պարտադիր զինվորական ծառայությունից ազատված քաղաքացիները կզորակոչվեն զինծառայության եւ նախնական զինվորական պատրաստության ծրագիրը յուրացնելուց հետո կհանձնեն ստուգարքներ, իսկ զինվորական երդումն ընդունելուց հետո կարձակվեն պահեստազոր: Նույն օրը Արցախի ղեկավար Բակո Սահակյանը աշխատանքային խորհրդակցություն է անցկացրել շրջանների վարչակազմերի ղեկավարների հետ եւ նրանց հանձնարարականներ տվել։
ԼՂՀ նախագահի լրատվական ծառայության տեղեկատվության համաձայն՝ Բ. Սահակյանը հատուկ ընդգծել է «իրավիճակը ներկայացնող տվյալների ճշգրտության աստիճանի բարձրացման եւ այս համատեքստում տարբեր կառույցների, մասնավորապես, Ազգային վիճակագրական ծառայության հետ շրջվարչակազմերի համագործակցության խորացման անհրաժեշտությունը»: Ասել է թե՝ հենց որ վիճակագրական ծառայության հետ շրջվարչակազմերի ղեկավարները համագործակցեն, դրանից Արցախի ագրարային տնտեսությունը զարգանալու է թվաբանական պրոգրեսիայով։
Բակո Սահակյանն օրերս ընդունել է Արցախում գտնվող ռուսաստանաբնակ հայ բարերար Էդգար Արամյանին, ով ծառայողական մեքենաներ էր նվիրաբերել ԼՂՀ պաշտպանության բանակին: Արցախի ղեկավարը հույս է հայտնել, որ համագործակցությունն այսուհետ էլ կշարունակվի՝ ընդգրկելով տարբեր ոլորտներ: Ակնարկը թափանցիկ է՝ ծառայողական մեքենաներ նվիրեք նաեւ այլ կառույցների։
Արեգ ՎԱՐԴԱՆՅԱՆ
Կարծիքներ