Եվս մի քաղաքական գաղթական կմիանա ԲՀԿ-ին
hraparak
27 Հունվար 2011 | 08:46
0
Մենք դեռ ամռանն էինք գրել նախատեսվող սցենարի մասին, ըստ որի, եւ Առաջադիմական կուսակցությունը՝ Տիգրան Ուրիխանյանի ղեկավարությամբ, եւ Վահան Բաբայանը՝ ՀԵԿ-ով, պետք է միանային «Բարգավաճ Հայաստանին»: Մի քանի օր առաջ Ուրիխանյանը մտավ ԲՀԿ, ՀԵԿ-ն էլ հունվարի 29-ի իր համագումարում է հայտարարելու միավորման մասին: Ըստ այդմ, «Բարգավաճ Հայաստան» կուսակցությունը կարող է դառնալ քաղաքական գաղթականների հավաքատեղի:Ընդ որում, Վահան Բաբայանը, որ Սերժ Սարգսյանի չկայացած պրոյեկտից՝ ՄԻԱԿ-ից է անջատվել, ակտիվացել է Ծառուկյանի ֆինանսավորմամբ: Ֆինանսական հոսքերը հնարավորություն տվեցին երիտասարդ գործչին գյուղեգյուղ ընկած բազմաթիվ գրասենյակներ բացել ու նոր «համախոհներ» գտնել: Մեր թղթակցի հարցին, թե ինչ ակնկալիքներով են մտնում ԲՀԿ, արդյո՞ք նպատակը ընտրական ցուցակներում ընդգրկվելն է, Վահան Բաբայանը պատասխանել է. «Ցուցակի հարցը որոշողը ԲՀԿ ղեկավարությունն է»: Իսկ միավորման մասին ասել է, որ դա համատեղ որոշում է ու վճռված է եղել դեռեւս նոյեմբերին: Նրա հավաստմամբ՝ համագումարին ներկա է լինելու նաեւ Գագիկ Ծառուկյանը: Ի դեպ, համագումարին հրավիրված է միայն ԲՀԿ-ն:
Կարծիքներ