Իսկ նախագահացուն... խաբեբա է
ՀԳՄ մարզային չորս մասնաճյուղերի ղեկավարների գործունեությունն առկախելու առիթով իմ վերաբերմունքն էի արտահայտել «Հրապարակ» օրաթերթի մարտի 17-ի համարում: Թվում էր, թե դրանով էլ վերջ կտրվի անպատվաբեր պատմությանը, քանզի շարունակել չէինք ցանկանա ոչ ՀԳՄ նախագահը, ոչ էլ ես: Բայց արի ու տես, որ ասածներս սխալ է ընկալել իմ կողմից հարգված Զավեն Պետրոսյանը եւ իր անմաքուր «լվացքն» է սկսել:
Նախ, տիար Պետրոսյանը եթե մի փոքր ճանաչեր ինձ, կիմանար, որ պաշտոնամոլությամբ չեմ տառապել, միշտ սիրել եմ ազատ ստեղծագործողի կարգավիճակը եւ ՀԳՄ Տավուշի մարզային բաժանմունքի ղեկավարությունը, «որպես ազատ մարդ», 2009-ի սեպտեմբերին ստանձնել եմ մեր ընկերների հորդորով եւ արժանացել նաեւ հոդվածագրի (Զավեն Պետրոսյանի) ջերմ շնորհավորանքներին: Ուստի ես անտարբեր եմ մնում գրողների մարզային բաժանմունքի նախագահի եղած-չեղած պաշտոնին. ինձ հետաքրքրում է ՀԳՄ նախագահի գործելաոճի սկզբունքը:
Միթե Գրողների միության անդամները տիկնիկներ են նրա ճարպիկ մատների ծայրին: Իսկ իմ հուզախռով խոսքի կարճ բովանդակությունը հետեւյալն էր. օրինականությունն ու բարեկրթությունը հուշում էին, որ գործունեությունն առկախելուց առաջ պիտի հաշվետվություն պահանջեին ՀԳՄ մարզային բաժանմունքի անդամների ընտրած ղեկավարից: Ասել եմ նաեւ, որ Ս. Բեգլարյանի նշանակումը ՀԳՄ մարզային բաժանմունքի ղեկավարի պաշտոնում անպատվաբեր է մեր գրական ընտանիքի համար, քանի որ նա սովորական սրիկա է. դա լավ գիտեն նաեւ նոյեմբերյանցիները:
Արդեն յոթ ամիս է` նույն Ս. Բեգլարյանը հրաժարվում է թոշակառուիս վերադարձնել իր 60-ամյակի առթիվ կազմակերպած ճաշկերույթի 150 հազար դրամ պարտքը: Այս խայտառակության մասին գիտեն ճաշկերույթին մասնակցած բոլոր հրավիրյալները, այդ թվում` Լեւոն Անանյանը: Սրանից հետո ինչպե՞ս հասկանալ խաբեբային ՀԳՄ մարզային բաժանմունքի նախագահ նշանակելու փաստը: Իմ համոզմամբ` գործել է քավոր-սանիկության հանգամանքը: Իսկ Զավեն Պետրոսյանի պատասխան հոդվածից կարելի է եզրակացնել հետեւյալը. եթե գրող խաբեբան իրենցն է, ապա «պուպուշ» է:
Պատասխան հոդվածը հայտնություն էր գոնե ինձ համար: Հիմա էլ պարզվում է, որ ՀԳՄ բաժանմունքի ղեկավար են ընտրել «միառժամանակ»: Իսկ ինչո՞ւ ժողովին ներկա ընկերները չեն իմացել, որ կազմակերպական միջոցառումը ժամանակավոր է: Միթե սա ղեկավարման տձեւություն չէ: Միամիտներս ուշ հասկացանք, թե ինչու բաժանմունքի նախկին նախագահ Թ. Մայիլյանը Լ. Անանյանի` գրողների մարզային հավաքին ներկայանալու, հաշվետու լինելու պահանջն արհամարհեց: Ուրեմն ճիշտը նա էր, իսկ ինձ չհրավիրեցին ու նշանակեցին նորին: Տարբերություն, կարծում եմ, կա: Զգացվում է, որ Զավեն Պետրոսյանն «այրվում է» մեր մարզի ու ժողովրդի շահերով: Նա հայտարարում է, որ գրական կյանքը Տավուշի մարզում գրեթե մարած է:
Աներկբա ընդունում եմ, որ հեռավորության պատճառով բոլոր միջոցառումներին չէ, որ մասնակցել են մարզի չորս տարածքներում ստեղծագործող գրողները: Սակայն Զ. Պետրոսյանը մոռանում է իր մասնակցությամբ տեղի ունեցած հանդիպումները, շնորհանդեսներն ու քննարկումները: Թե՞ մոռացել է Ս. Բեգլարյանի ծննդյան 60-ամյակի առթիվ կազմակերպած հանդիսության ժամանակ Լեւոն Անանյանի խոսքերը. «Պարոն Սիմոնյան, մայրաքաղաքային մակարդակի միջոցառում եք կազմակերպել, խորին շնորհակալություն»:
Այլոց չանդրադառնալով` հարկ եմ համարում ավելացնել, որ ճիշտ այն օրը, տիար Պետրոսյան, երբ դուք երեքով կամ չորսով Նոյեմբերյանում ՈՒՀԱ-ականների պես գլուխ գլխի տված «պատմական» որոշում էիք մտմտում, իմ նախաձեռնությամբ հանդիպում էր տեղի ունենում ռուս գրողի հետ, որն անցավ գերազանց մակարդակով: Այդպիսիք էլի կլինեն` անկախ այն հանգամանքից, որ Դուք ՀԳՄ անդամ եք, մենք` ոչ: Այժմ ինձ երկու հարց է հետաքրքրում: ՀԳՄ քարտուղարությունը Տավուշի մարզային բաժանմունքի նախագահ կնշանակի՞ թոշակառուիս մի քանի ամսվա հասանելիքը յուրացրած սրիկային: Եվ երկրորդ` մինչեւ ապրիլի վերջը Լ. Անանյանն ու Զ. Պետրոսյանը կկարողանա՞ն Ս. Բեգլարյանից ստանալ եւ ինձ փոխանցել խաբեությամբ յուրացրած 150 հազար դրամը:
Ռուբեն ՍԻՄՈՆՅԱՆ
Նախ, տիար Պետրոսյանը եթե մի փոքր ճանաչեր ինձ, կիմանար, որ պաշտոնամոլությամբ չեմ տառապել, միշտ սիրել եմ ազատ ստեղծագործողի կարգավիճակը եւ ՀԳՄ Տավուշի մարզային բաժանմունքի ղեկավարությունը, «որպես ազատ մարդ», 2009-ի սեպտեմբերին ստանձնել եմ մեր ընկերների հորդորով եւ արժանացել նաեւ հոդվածագրի (Զավեն Պետրոսյանի) ջերմ շնորհավորանքներին: Ուստի ես անտարբեր եմ մնում գրողների մարզային բաժանմունքի նախագահի եղած-չեղած պաշտոնին. ինձ հետաքրքրում է ՀԳՄ նախագահի գործելաոճի սկզբունքը:
Միթե Գրողների միության անդամները տիկնիկներ են նրա ճարպիկ մատների ծայրին: Իսկ իմ հուզախռով խոսքի կարճ բովանդակությունը հետեւյալն էր. օրինականությունն ու բարեկրթությունը հուշում էին, որ գործունեությունն առկախելուց առաջ պիտի հաշվետվություն պահանջեին ՀԳՄ մարզային բաժանմունքի անդամների ընտրած ղեկավարից: Ասել եմ նաեւ, որ Ս. Բեգլարյանի նշանակումը ՀԳՄ մարզային բաժանմունքի ղեկավարի պաշտոնում անպատվաբեր է մեր գրական ընտանիքի համար, քանի որ նա սովորական սրիկա է. դա լավ գիտեն նաեւ նոյեմբերյանցիները:
Արդեն յոթ ամիս է` նույն Ս. Բեգլարյանը հրաժարվում է թոշակառուիս վերադարձնել իր 60-ամյակի առթիվ կազմակերպած ճաշկերույթի 150 հազար դրամ պարտքը: Այս խայտառակության մասին գիտեն ճաշկերույթին մասնակցած բոլոր հրավիրյալները, այդ թվում` Լեւոն Անանյանը: Սրանից հետո ինչպե՞ս հասկանալ խաբեբային ՀԳՄ մարզային բաժանմունքի նախագահ նշանակելու փաստը: Իմ համոզմամբ` գործել է քավոր-սանիկության հանգամանքը: Իսկ Զավեն Պետրոսյանի պատասխան հոդվածից կարելի է եզրակացնել հետեւյալը. եթե գրող խաբեբան իրենցն է, ապա «պուպուշ» է:
Պատասխան հոդվածը հայտնություն էր գոնե ինձ համար: Հիմա էլ պարզվում է, որ ՀԳՄ բաժանմունքի ղեկավար են ընտրել «միառժամանակ»: Իսկ ինչո՞ւ ժողովին ներկա ընկերները չեն իմացել, որ կազմակերպական միջոցառումը ժամանակավոր է: Միթե սա ղեկավարման տձեւություն չէ: Միամիտներս ուշ հասկացանք, թե ինչու բաժանմունքի նախկին նախագահ Թ. Մայիլյանը Լ. Անանյանի` գրողների մարզային հավաքին ներկայանալու, հաշվետու լինելու պահանջն արհամարհեց: Ուրեմն ճիշտը նա էր, իսկ ինձ չհրավիրեցին ու նշանակեցին նորին: Տարբերություն, կարծում եմ, կա: Զգացվում է, որ Զավեն Պետրոսյանն «այրվում է» մեր մարզի ու ժողովրդի շահերով: Նա հայտարարում է, որ գրական կյանքը Տավուշի մարզում գրեթե մարած է:
Աներկբա ընդունում եմ, որ հեռավորության պատճառով բոլոր միջոցառումներին չէ, որ մասնակցել են մարզի չորս տարածքներում ստեղծագործող գրողները: Սակայն Զ. Պետրոսյանը մոռանում է իր մասնակցությամբ տեղի ունեցած հանդիպումները, շնորհանդեսներն ու քննարկումները: Թե՞ մոռացել է Ս. Բեգլարյանի ծննդյան 60-ամյակի առթիվ կազմակերպած հանդիսության ժամանակ Լեւոն Անանյանի խոսքերը. «Պարոն Սիմոնյան, մայրաքաղաքային մակարդակի միջոցառում եք կազմակերպել, խորին շնորհակալություն»:
Այլոց չանդրադառնալով` հարկ եմ համարում ավելացնել, որ ճիշտ այն օրը, տիար Պետրոսյան, երբ դուք երեքով կամ չորսով Նոյեմբերյանում ՈՒՀԱ-ականների պես գլուխ գլխի տված «պատմական» որոշում էիք մտմտում, իմ նախաձեռնությամբ հանդիպում էր տեղի ունենում ռուս գրողի հետ, որն անցավ գերազանց մակարդակով: Այդպիսիք էլի կլինեն` անկախ այն հանգամանքից, որ Դուք ՀԳՄ անդամ եք, մենք` ոչ: Այժմ ինձ երկու հարց է հետաքրքրում: ՀԳՄ քարտուղարությունը Տավուշի մարզային բաժանմունքի նախագահ կնշանակի՞ թոշակառուիս մի քանի ամսվա հասանելիքը յուրացրած սրիկային: Եվ երկրորդ` մինչեւ ապրիլի վերջը Լ. Անանյանն ու Զ. Պետրոսյանը կկարողանա՞ն Ս. Բեգլարյանից ստանալ եւ ինձ փոխանցել խաբեությամբ յուրացրած 150 հազար դրամը:
Ռուբեն ՍԻՄՈՆՅԱՆ
Կարծիքներ