Քոչարյանի կերած ղալաթը տարիներով չի մարսվի
Նախկին վարչապետ Հրանտ Բագրատյանը երեկ լրագրողների հետ հանդիպման ժամանակ կառավարության վարած գյուղատնտեսության քաղաքականության մասին խոսելիս նշել է, որ գյուղատնտեսությունը «սկսել է գահավիժել» Ռոբերտ Քոչարյանի վարած քաղաքականության պատճառով:
Հիմա մեր կառավարությունը, Բագրատյանի խոսքով, ոչինչ չհասկանալով է գյուղի ռեֆորմներ մշակում: Ըստ նրա՝ գյուղացուն ներկայում պետք է ոչ թե վարկեր տալ եւ սուբսիդավորել դրանք, այլ ազատել խոշոր հողատերերի հետ անիմաստ եւ անհեռանկար մրցակցությունից, որտեղ փոքր գյուղացիական տնտեսությունները շանս չունեն:
Բագրատյանի խոսքով, երբ 1991թ. հողը սեփականաշնորհելիս այն գնելու հնարավորություն տրվել է միայն գյուղական համայնքի ներկայացուցիչներին, այսինքն՝ գյուղացիներին, ապա Ռոբերտ Քոչարյանը 2004թ. Հողային օրենսգրքում փոփոխություն կատարելուց հետո իրավունք է տվել, որ հող գնեն նաեւ ուրիշները:
Բագրատյանը նշել է, որ եթե 91-ին հողի 75 տոկոսը սեփականաշնորհվել է 300 հազար գյուղացու միջեւ, ապա Քոչարյանը մնացած 25 տոկոսը սեփականաշնորհել է ընդամենը 700 մարդու:
«Այդ մարդկանց թվում են իր աշխատակազմի ղեկավարը, ախրանայի պետը՝ ողորմածիկ, ԱԺ ներկայիս նախագահը, քաղաքապետեր, մարզպետներ, այլ պաշտոնյաներ: Էս մարդիկ արդյունքում ունեցան 700, 1000,1500 հեկտար հողեր»,-ասել է Բագրատյանը:
Հիմա այդ խոշոր հողատերերն են խեղդում գյուղական փոքր տնտեսություններին, վերամշակող ձեռնարկություններն այսօր գնումներ կատարում են խոշոր հողատերերից:
«Անգամ պետությունն է իր գնումները կատարում նրանցից, օրինակ բանակի կարտոֆիլը գնելիս»: Բագրատյանի հաշվարկով՝ մեկ խոշորը 300 գյուղացու դուրս է մղում, հետեւաբար գյուղացիներին պետք է դրանից ձերբազատել եւ ոչ թե վարկեր տալ:
«2003-2004թթ. Քոչարյանի կերած ղալաթը տարիներով չի մարսվի, չէր կարելի գալ գյուղ եւ 1.5 հեկտար հողի կողքը ստեղծել 150 հեկտարանոց հողակտորներ»,- ասել է նախկին վարչապետը եւ ելքը համարել գյուղացիական փոխօգնության հիման վրա կոոպերատիվների ստեղծումը: «Էդ ռեֆորմներով Տիգրան Սարգսյանի եւ Սերգո Կարապետյանի գլխին թող կպնեն»,-ասել է նա:
Հիմա մեր կառավարությունը, Բագրատյանի խոսքով, ոչինչ չհասկանալով է գյուղի ռեֆորմներ մշակում: Ըստ նրա՝ գյուղացուն ներկայում պետք է ոչ թե վարկեր տալ եւ սուբսիդավորել դրանք, այլ ազատել խոշոր հողատերերի հետ անիմաստ եւ անհեռանկար մրցակցությունից, որտեղ փոքր գյուղացիական տնտեսությունները շանս չունեն:
Բագրատյանի խոսքով, երբ 1991թ. հողը սեփականաշնորհելիս այն գնելու հնարավորություն տրվել է միայն գյուղական համայնքի ներկայացուցիչներին, այսինքն՝ գյուղացիներին, ապա Ռոբերտ Քոչարյանը 2004թ. Հողային օրենսգրքում փոփոխություն կատարելուց հետո իրավունք է տվել, որ հող գնեն նաեւ ուրիշները:
Բագրատյանը նշել է, որ եթե 91-ին հողի 75 տոկոսը սեփականաշնորհվել է 300 հազար գյուղացու միջեւ, ապա Քոչարյանը մնացած 25 տոկոսը սեփականաշնորհել է ընդամենը 700 մարդու:
«Այդ մարդկանց թվում են իր աշխատակազմի ղեկավարը, ախրանայի պետը՝ ողորմածիկ, ԱԺ ներկայիս նախագահը, քաղաքապետեր, մարզպետներ, այլ պաշտոնյաներ: Էս մարդիկ արդյունքում ունեցան 700, 1000,1500 հեկտար հողեր»,-ասել է Բագրատյանը:
Հիմա այդ խոշոր հողատերերն են խեղդում գյուղական փոքր տնտեսություններին, վերամշակող ձեռնարկություններն այսօր գնումներ կատարում են խոշոր հողատերերից:
«Անգամ պետությունն է իր գնումները կատարում նրանցից, օրինակ բանակի կարտոֆիլը գնելիս»: Բագրատյանի հաշվարկով՝ մեկ խոշորը 300 գյուղացու դուրս է մղում, հետեւաբար գյուղացիներին պետք է դրանից ձերբազատել եւ ոչ թե վարկեր տալ:
«2003-2004թթ. Քոչարյանի կերած ղալաթը տարիներով չի մարսվի, չէր կարելի գալ գյուղ եւ 1.5 հեկտար հողի կողքը ստեղծել 150 հեկտարանոց հողակտորներ»,- ասել է նախկին վարչապետը եւ ելքը համարել գյուղացիական փոխօգնության հիման վրա կոոպերատիվների ստեղծումը: «Էդ ռեֆորմներով Տիգրան Սարգսյանի եւ Սերգո Կարապետյանի գլխին թող կպնեն»,-ասել է նա:
Կարծիքներ