Իսկ ի՞նչ է նշանակում «սփյուռքի զարգացում»

Կառավարության այսօրվա՝ մայիսի 5-ի նիստում զավեշտալի միջադեպ է գրանցվել, երբ սփյուռքի փոխնախարար Ստեփան Պետրոսյանը ներկայացնելիս է եղել «Սփյուռքի զարգացման հեռանկարները գլոբալացվող աշխարհում» թեմայով համաժողովի կազմակերպման հարցը։ Ինչպես տեղեկացնում է news.am-ը, փոխնախարարի ելույթից հետո ձայն է խնդրել ՀՀ Գիտությունների Ազգային ակադեմիայի նախագահ Ռադիկ Մարտիրոսյանը եւ սփյուռքի փոխնախարարին հարց ուղղել անթաքույց հեգնանքով. «Իսկ ի՞նչ է նշանակում սփյուռքի զարգացում»։ Փոխնախարարին օգնության է հասել վարչապետ Տիգրան Սարգսյանը՝ ասելով, թե այդ ձեւակերպումը հանվել է, ու շատ արագ փոխել քննարկման թեման։