Վկայություններ վերցրեք բոլորից
hraparak
20 Մայիս 2011 | 14:25
0
Մարտի 1-ի դեպքերը բացահայտելու իշխանության տված հավաստիացմանը Րաֆֆի Հովհաննիսյանը թերահավատությամբ է վերաբերվում: «Ես չեմ ուզում որեւէ մեկի անկեղծության դատավորը լինել: Ուզում եմ պարզապես արձանագրել այն, ինչ առկա է: Մարտի 1-ին գործում էր երկրորդ նախագահը, վարչապետ էր այն մարդը, որը դարձավ երրորդ նախագահ, եւ ընդդիմության գլխավոր դերակատարն էր Հայաստանի առաջին նախագահը»,- ասել է նա: Սահմանադրական փոփոխություններն անհրաժեշտություն համարելով՝ «Ժառանգություն» կուսակցության ղեկավարը նշել է, թե պիտի լինի դատախազի հատուկ ինստիտուտ, որը կարող է վկայություններ վերցնել բոլորից՝ նախագահներից, գեներալներից, պաշտոնյաներից եւ շարքային քաղաքացիներից: «Ես համարում եմ, որ ազգային ողբերգությունը մնում է փակի տակ, որովհետեւ մինչեւ հիմա մի հատ քրեական գործ չկա, որտեղ կա ամբաստանյալ»:
Հովհաննիսյանն ասել է, որ Հայաստանը պետք է դառնա միջազգային քրեական դատարանի անդամ, որպեսզի եթե ինքը չկարողանա լուծել հարցը, այն ներկայացնի միջազգային քրեական դատարանի քննությանը:
Կարծիքներ