«iPad 2» գնելու համար վաճառել է երիկամը
hraparak
4 Հունիս 2011 | 08:15
0
Չինաստանում 17-ամյա տղան վաճառել է աջ երիկամը, որպեսզի «iPad 2» համակարգիչ գնի: Սյաո Չժենը վաղուց էր երազում նման համակարգիչ ունենալու մասին, սակայն բավարար գումար երբեք չի ունեցել, այդ պատճառով էլ դիմել է ծայրահեղ քայլի: 10-րդ դասարանում սովորող Չժենը երիկամի գնորդին գտել է համացանցի միջոցով:Ստանալով մոտ 3 հազար 400 ԱՄՆ դոլար ` Սյաո Չժենը գնել է ոչ միայն իր երազած համակարգիչը, այլեւ «iPhone 4» հեռախոս: Տղայի ծնողները չեն իմացել այդ մասին, սակայն վիրահատությունից հետո նրա առողջական վիճակն օրեցօր վատացել է:
Սյաո Չժենի մայրն այժմ փորձում է պատասխանատվության ենթարկել այն մասնավոր հիվանդանոցի ղեկավարությանը, որտեղ հեռացրել են տղայի աջ երիկամը:
Կարծիքներ