Թուրքիայի նոր կառավարությունը չի փոխի իր դիրքորոշումը

«Թուրքիան միասնական դիրքորոշում է զբաղեցնելու Ադրբեջանի հետ ղարաբաղյան խնդրի կարգավորման հարցում»,- Trend գործակալությանը հայտնել է «Արդարություն եւ Զարգացում» կուսակցության պատգամավոր Մուստաֆա Քաբակչին`  ըստ էության ամրագրելով, որ թուրքական նոր կառավարությունը չի փոխելու ԼՂ հարցի վերաբերյալ իր դիրքորոշումը:



Այսուհանդերձ պատգամավորը հայտարարել է, որ Թուրքիայի նոր կառավարությունը կանի ամեն ինչ ղարաբաղյան հակամարտության կարգավորման համար` հավելելով, որ «ղարաբաղյան խնդիրը ողջ թյուրքական աշխարհի խնդիրն է»:



Հիշեցնենք «Արդարություն եւ Զարգացում» կուսակցությունը հաղթել է հունիսի 12-ին Թուրքիայում կայացած խորհրդարանական ընտրություններում` ստանալով 50,3 տոկոս ձայն: