Սերոբներ էլ չեն լինի

Չնայած ՀՀ ոստիկանապետ Ալիկ Սարգսյանը մեր թղթակցի հետ զրույցում ասել էր, որ ոստիկանությանը կից հասարակական նոր խորհուրդը կձեւավորվի հունիսին, այնուամենայնիվ այդ հարցը դեռեւս մնում է չլուծված: Երեկ ոստիկանության լրատվականից փորձեցինք պարզել, թե վերջիվերջո երբ է ստեղծվելու այդ խորհուրդը, եւ ովքեր են լինելու նրա անդամները: Մեզ պատասխանեցին՝ «խորհուրդը կձեւավորվի շուտով», իսկ ուշացումը պայմանավորված է զուտ տեխնիկական խնդիրներով:



Հիշեցնենք, որ առաջին խորհուրդը լուծարվեց, երբ բացահայտվեց խորհրդի անդամներից մեկի՝ Սերոբ Տեր-Պողոսյանի իրական դեմքը՝ նրա հանցավոր ցանկություններն անչափահաս տղաների նկատմամբ: Նրան մեղադրանք առաջադրվեց մանկապղծության հոդվածով, իսկ այժմ ընթանում է դատավարությունը:



Բնական է, որ հիմա շատ զգուշորեն կընտրեն խորհրդի անդամներին: