Գագիկ Խաչատրյանը հրաժարական չի տա
hraparak
23 Օգոստոս 2011 | 10:57
0
Պետական եկամուտների կոմիտեի լրատվական ծառայությունը հաղորդագրություն է տարածել, որով հերքել է մամուլում տարածված այն տեղեկությունները, որոնց համաձայն, ՊԵԿ նախագահ Գագիկ Խաչատրյանը երեկ հրաժարականի դիմում էր ներկայացրել։ Հաղորդագրության մեջ ասվում է նաեւ, թե ՊԵԿ նախագահին վերագրվում է «ինչ-որ մտացածին սեփականություն»։ Խոսքն, ամենայն հավանականությամբ, մամուլում վերջերս տարածված մեկ այլ տեղեկության մասին է, ըստ որի, ՊԵԿ նախագահ Գագիկ Խաչատրյանը դեռեւս հունվար ամսին Ավստրիայի Զալցբուրգ քաղաքում 200 միլիոն եվրոյով ձեռք էր բերել շոկոլադի գործարան:«Բնականաբար, բոլոր այդպիսի հրապարակումները իրականության հետ առնչություն չունեն. համակարգը շարունակում է բնականոն գործունեությունն իր առջեւ դրված խնդիրների կատարման ուղղությամբ»:
Կարծիքներ