Ավարտվել է կոալիցիա-ՀԱԿ վեցերորդ հանդիպումը

Ավարտվել  է Հայ ազգային կոնգրեսի եւ կոալիցիայի պատվիրակությունների ներկայացուցիչների վեցերորդ հանդիպումը, որը տեւել է ավելի քան 5 ժամ։ Քննարկումից հետո հայտարարություններով հանդես են եկել ՀԱԿ-ի աշխատանքային խմբի ղեկավար Լեւոն Զուրաբյանը եւ կոալիցիայի աշխատանքային խմբի ղեկավար Դավիթ Հարությունյանը։ Նրանք նշել են, որ քննարկման հիմնական թեման եղել է օգոստոսի 9-ի միջադեպը եւ դրա հետ կապված զարգացումները: Ապա կոալիցիայի պատվիրակությունը ներկայացրել է Հայ ազգային կոնգրեսի կողմից ներակայացված 85 էջանոց փաստաթղթի պատասխանը եւ հիմնավորումները:



Ինչպես նշել է  Լեւոն Զուրաբյանը, այսօրվա երկխոսության արդյունքում իրենք վստահություն են ձեռք բերել, որ ՀԱԿ երիտասարդ ակտիվիստ Տիգրան Առաքելյանի խափանման միջոցի փոփոխության հարցն արագորեն կկարգավորվի։



Կոալիցիայի աշխատանքային խմբի ղեկավար Դավիթ Հարությունյանն իր հերթին նշել է, որ իրենք չեն պատրաստվում միջամտել իրավական պրոցեսներին։ Հարությունյանի խոսքերով, իրավական համակարգը գործել է ոչ խտրական։



ՀԱԿ-կոալիցիա հաջորդ հանդիպումը տեղի կունենա օգոստոսի 26-ին՝ ժամը 10-ին։