ԲՀԿ կողմից սահմանադրական կարգի անխնա արհամարհման մասին

Շարունակելով  ոտնահարել ՀՀ սահմանադրական կարգը «Բարգավաճ Հայաստան» բարեգործական դարձած կազմակերպությունը, օր առաջ  բարեգործական ակցիա  էր  իրագործում, այս անգամ, Կոտայքի և Արագածոտնի  մարզերում, որի մասին ԲՀԿ քարոզչական  տեսահոլովակն ցուցադրվեց  նաև  հեռուստաընկերություններով: Այսինքն, վերջիններս  էլ, իրենց  հերթին  խախտելով  ՀՀ  օրենսդրության  պահանջները, տեղեկատվություն  տարածեցին օրենսդրությամբ  արգելված  գործողությունների մասին:

Այդ կապակցությամբ, հիմք ընդունելով ՀՀ Սահմանադրության 7-րդ հոդվածով սահմանված դրույթներն, այսօր նորից  դիմել ենք պետական լիազոր մարմին ՀՀ արդարադատության նախարարություն, Գլխավոր դատախազություն և ՀՌԱՀ:

ՀՊԱԿ  լրատվություն

Արագածոտնի մարզում առողջապահական ակցիային մասնակցեց շուրջ 5000 բնակիչ

17.11.2011

Բարեգործական բժշկական աջակցությունը տարածվում է հանրապետության ողջ տարածքով: Առաջին տարին չէ,  որ այս նախաձեռնությամբ հանդես են գալիս «Բարգավաճ Հայաստան» կուսակցությունն ու «Գագիկ Ծառուկյան» բարեգործական հիմնադրամը:



Հոկտեմբերի 3-ից մեկնարկած բուժակցիան իրականացվեց նաև Արագածոտնի մարզում:

Արագածոտնի մարզում  բուժակցիայից օգտվեց  5000 բնակիչ, առավել առողջական խնդիրներ ունեցողները (1500 բնակիչ)  ուղեգրվեցին Երևան:

Կոտայքի մարզում առողջապահական ակցիային մասնակցեց շուրջ 6000 բնակիչ

16.11.2011

Ամփոփելով Կոտայքի  մարզի  բուժզննումները՝ թվային տվյալները հետևյալ պատկերն են արձանագրում. մարզի 5 խոշոր քաղաքներում հետազոտվել են շուրջ 6000 քաղաքացի: Նրանցից մոտ 4000-ը  ստացել են անվճար օպտիկական ակնոցներ: Բժիշկները 2000 հիվանդի ուղեգրել են Երևան՝ անվճար, խորացված հետազոտման կամ վիրահատության նպատակով:

Լայնամասշտաբ  բարեգործական նախաձեռնությունը հաջորդիվ կիրագործվի Արագածոտնի մարզում: