Կոչ նախագահին
hraparak
19 Նոյեմբեր 2011 | 11:56
0
Երեկ համացանցում մի նամակ է տարածվել՝ «Հայկական բանակում ծառայած մի խումբ հայ երիտասարդներ» ստորագրությամբ: Նամակագիրները դիմել են Սերժ Սարգսյանին՝ իրենց վրդովմունքը հայտնելով այն կապակցությամբ, որ «երկրի բարձրագույն ղեկավարության շրջապատում գնալով ավելանում է բանակում չծառայած երիտասարդների թիվը»: «Մենք Գերագույն գլխավոր հրամանատար Սերժ Սարգսյանից (որն անձամբ մասնակցել է երկրի պաշտպանությանը) պահանջում ենք արտահայտել իր դիրքորոշումը 1972թ.-ից հետո ծնված եւ բանակում չծառայած պատգամավորների, նախարարների եւ այլ բարձրաստիճան երիտասարդների առնչությամբ»,- գրել են նամակագիրները եւ կոչ արել այսուհետ պաշտոնների նշանակելիս անպայման հաշվի առնել ծառայած լինելու հանգամանքը եւ թույլ չտալ, որ բարձր պաշտոնների նշանակվեն հայրենիքի պաշտպանությանը չմասնակցած անձինք:
Կարծիքներ