Իրարանցում բարձրաստիճան պաշտոնյաների շրջանում

Անձնագրային ծառայությունների ղեկավարների փոփոխությունը թեկուզ կատարվել է ռոտացիոն սկզբունքով, սակայն լուրջ իրարանցում է առաջացրել մի շարք բարձրաստիճան պաշտոնյաների շրջանում: Գաղտնիք չէ, որ այս ծառայության բաժանմունքների ղեկավարների պաշտոնները, ինչպես եւ նոտարիատի, զբաղեցնում են բարձրաստիճան պաշտոնյաների մերձավորները, ուստրերն ու դուստրերը:



Մեր տեղեկություններով, հենց այս «պապաներն ու կռիշներն» էլ խուճապի են մատնվել եւ եղանակներ են փնտրում Գասպարյանին բարեխոսելու, սակայն դեռ քայլ չեն անում՝ հաշվի առնելով նրա կոշտ հայտարարությունները: Թեեւ իրենք էլ են հասկանում, որ ռոտացիան նշանակում է ոչ թե պաշտոնանկություն, այլ ուրիշ բաժանմունքում նույն պաշտոնին տեղափոխվել, սակայն մտավախություն ունեն, թե ռոտացիան նախազգուշացում է եւ, այսպես ասած՝ «ժուռնալն» է: