Ընդունել է մանկատան սանին

Լոռու մարզպետ Արթուր Նալբանդյանը, ինչպես խոստացել էր, երեկ առավոտյան ընդունել է մանկատան նախկին սան Գեւորգ Գալստյանին, որը երկար ժամանակ փաստացի բնակվում էր փողոցում: Մարզպետը վճարել է Գեւորգի համար վարձակալված բնակարանի առաջին եռամսյակի գումարը, ինչպես նաեւ փող է տվել առաջիկա օրերին ապրելու համար՝ մինչեւ նա աշխատանք կգտնի: Լոռու մարզում մեր թղթակցի եւ վանաձորցի լրագրող Տիրան Մանուչարյանի  աջակցությամբ Գեւորգն արդեն երեկոյան տեղափոխվել է իր բնակարան, իսկ առաջին անհրաժեշտության իրերով` անկողին, ափսե եւ այլն, օգնել են մեր լրագրողները: Գեւորգն արդեն իսկ անցել է աշխատանք փնտրելու գործին, մարզպետարանի երեխաների, կանանց իրավունքների պաշտպանության բաժնի պետը խոստացել է այդ հարցում օգնել նրան: