Բողոք-1/2012

Բողոք-1/2012

Հեռուստատեսության եւ ռադիոյի ազգային հանձնաժողովի նախագահ Գ.Ամալյանին



Ժուռնալիստների  «Ասպարեզ» ակումբի խորհրդի նախագահ Լ.Բարսեղյանից 



18 հունվարի, 2012         







Պարոն Ամալյան,



Ժուռնալիստների  «Ասպարեզ» ակումբի ուսումնասիրությունների համաձայն, Հայաստանի հանրային Հ1 հեռուստաալիքը 2011 թվի դեկտեմբերի 30, 31-ի` նախատոնական, եւ 2012 թվի հունվարի 1-2-ի` տոնական, հաղորդումների ժամանակ մի քանի անգամ խախտել է ՀՀ գովազդային օրենսդրությունը:



Մասնավորաբար.







  1. Խախտվել է «Գովազդի մասին» ՀՀ օրենք 9-րդ հոդվածի 1-ին կետի պահանջը.- Արգելվում է մինչեւ 10 րոպե տեւողությամբ ռադիոհաղորդումներում եւ մինչեւ 20 րոպե տեւողությամբ հեռուստահաղորդումներում մեկ անգամից ավելի գովազդային ընդհատումը (ընդմիջումը):




Ա) 2011 թվի դեկտեմբերի 30-ին ժամը 12:59:52-13:12:42 միջակայքում Հ1 հեռուստաալիքի եթերում երեք մասով հեռարձակվել է «Առաջին լրատվական» հաղորդումը, որի տեւողությունը 12ր 40վրկ է եղել: Այս հաղորդումը երկու անգամ ընդմիջվել է Վիվասելի 16 եւ 14 վայրկյանանոց գովազդներով:



Բ) 2011 թվի դեկտեմբերի 30-ին ժամը 16:59:35-17:16:55 միջակայքում Հ1 հեռուստաալիքի եթերում երեք մասով հեռարձակվել է «Առաջին լրատվական» հաղորդումը` որի տեւողությունը 16ր 49վրկ է եղել: Այս հաղորդումը երկու անգամ ընդմիջվել է Վիվասելի 16 եւ 15 վայրկյանանոց գովազդներով:







  1. Խախտվել է Հեռուստատեսության  եւ ռադիոյի մասին» ՀՀ  օրենք, 26-րդ հոդվածի, 6.1. կետի պահանջը. «Հանրային հեռուստառադիոընկերությունում` առեւտրային գովազդը չպետք է գերազանցի ընդհանուր հաղորդումների յոթ տոկոսը»:




Ա) 2011 թվի դեկտեմբերի 31-ին Հ1 հեռուստաալիքի եթերում հեռարձակված առեւտրային գովազդը կազմել է ընդհանուր հաղորդումների 8,53 տոկոսը:







  1. Խախտվել է  «Գովազդի մասին» ՀՀ օրենք, 9-րդ հոդվածի 2-րդ կետի պահանջը.- Արգելվում է ռադիոհեռուստատեսային հաղորդման ընթացքում հեռարձակել գովազդ յուրաքանչյուր 1 եթերային ժամի հաշվով 14 րոպեից ավելի տեւողությամբ: Եթերային ժամի հաշվարկը սկսել յուրաքանչյուր օր 00.00 ժամից:




Ա) 2011 թվի  դեկտեմբերի 31-ին Ժամը 16:00:00-17:00:00 միջակայքում հեռարձակվել է 15ր 19վրկ գովազդ:



Բ) 2012 թվի  հունվարի 2-ին Ժամը 21:00:00-22:00:00 միջակայքում հեռարձակվել է 16ր 27վրկ գովազդ:



Խնդրում եմ ուսումնասիրել այս բողոքում բերված հանգամանքները, եւ օրենքով սահմանված կարգով համապատասխան միջոցներ ձեռք առնել:



Այս բողոքին  կից հանձնաժողովին եմ ներկայացնում 2011 թվի դեկտեմբերի 30-31-ի եւ 2012 թվի հունվարի 1-2-ի Հ1 հեռուստաալիքի հաղորդումների վերծանումները, որ կատարել են մեր մասնագետները: Բարի եղեք այս նամակում բերածս խնդիրների` հանձնաժողովի ուսումնասիրությունների եւ ձեռնարկած միջոցների մասին տեղեկացնել ինձ վերոհիշյալ հասցեով:      



Լեւոն Բարսեղյան