Անակնկալներ նախընտրական ցուցակներում
hraparak
18 Մարտ 2012 | 17:24
0
Այսօր կուսակցությունները սկսեցին հրապարակել իրենց համասմանական ցուցակները: Նախ հրապարակեց «Ազատ դեմոկրատներ-Այս խայտառակ եռյակի մասին շատ գրվեց, սակայն Հանրապետականը որոշեց, որ այս կազմը գերադասելի էր, ասենք Մկրտիչ Մինասյանից, Ռաֆիկ Պետրոսյանից ու Լեռնիկ Ալեքսանյանից: Ինչեւէ, ցուցակը կազմված է եւ հանձնված հանրության դատին:
Առավել բարդ վիճակում է հայտնվել «Ազատ դեմոկրատներ-
Ուշագրավը «Ժառանգության» քարտուղարի՝ Կարինե Հակոբյանի, Լարիսա Ալավերդյանի բացակայությունն է, իսկ Արմեն Մարտիրոսյանը ցուցակում 16-րդն է, թեեւ «Ժառանգության» թերեւս ամենաարդյունավետ պատգամավորներից էր: Ընդհանրապես այս ընտրություններն աչքի են ընկնում օտար «լեգիոներներ» ներգրավելու նորույթով:
Սեփական անդամներին, նրանց, ովքեր տարիներ շարունակ ծառայում են, կուսղեկավարները սկսել են չգնահատել, եւ հակառակը՝ օտար անձանց ներգրավելու միջոցով են ուզում հասարակության վստահությունը շահել: Օրվա ընթացքում լուրեր տարածվեցին, որ Լարիսա Ալավերդյանն ու Կարինե Հակոբյանը լքել են «Ժառանգությունը»:
Ի դեպ, մեր տեղեկություններով, այդ լուրերը շրջանառության մեջ են դրվում հենց «Ազատ դեմոկրատների» կողմից, որոնք որոշակի վերապահումներ ունեին այս կանանց հանդեպ: Սակայն Լարիսա Ալավերդյանն արագ հերքեց այդ ապատեղեկատվությունը, իսկ Կարինե Հակոբյանը վաղը պատրաստվում է ասուլիս տալ եւ բացատրել իր դիրքորոշումը: Մութ ինտրիգների, «ուտկաների» իրար տակ փորելու եւ իրար դեմ սեւ փիառ կիրառելու ժամանակներ ենք մտնում:
Կարծիքներ