«Ազատ դեմոկրատների» ղեկավարները հանդիպել են ԱՄՆ դեսպանին

«Ազատ դեմոկրատներ» կուսակցության լրատվական ծառայությունը տեղեկացնում է, որ այսօր կուսակցության գրասենյակում Հայաստանում ԱՄՆ դեսպան Ջոն Հեֆերնը, դեսպանատան Քաղաքական հարցերով պատասխանատու Քրիսթոֆեր Անդերսենը հանդիպել են «Ազատ դեմոկրատներ» կուսակցության նախագահ Խաչատուր Քոքոբելյանին, փոխնախագահ Անուշ Սեդրակյանին, կուսակցության անդամ Ալեքսանդր Արզումանյանին:



Կողմերը քննարկվել են Հայաստանի հետընտրական զարգացումները, ներքաղաքական իրավիճակը, «Ազատ դեմոկրատներ» կուսակցության ծրագրերը նախաձեռնությունները, կուսակցության պատգամավորների առաջիկա գործունեությունը:



Երկուստեք կարեւորվել է Հայաստանում տնտեսական ոլորտի՝ մասնավորապես տեղեկատվական տեխնոլոգիաների զարգացման հեռանկարները եւ այդ գործընթացին նպաստող նախաձեռնությունների իրականացման անհրաժեշտությունը: